‘ഞാനൊരു സിനിമ പിടിക്കാന്‍ പോകുവാടാ ആരാടാ തടയാന്‍?’ സംവിധായകന്‍ ലിജോ ജോസ് പെല്ലിശ്ശേരിയുടെ ഈ വാക്കുകളാണ് കഴിഞ്ഞ ദിവസം സോഷ്യല്‍മീഡിയയെയും മറ്റ് സിനിമാ താരങ്ങളെയും ആവേശം കൊള്ളിച്ചത്. എന്നാല്‍ ആവേശത്തില്‍ മാത്രം ഒതുങ്ങുമോ എന്ന ആശങ്കയും നിലനിന്നിരുന്നു. എന്നാല്‍ ആവേശം പ്രവര്‍ത്തിച്ച് കാണിക്കാന്‍ ഒരുങ്ങിയിരിക്കുകയാണ് ലിജോ ജോസ്.
പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പങ്കുവെച്ചാണ് ലിജോ ജോസ് പെല്ലിശ്ശേരി, വാക്ക് മാത്രമല്ല പ്രവര്‍ത്തി കൂടിയാണെന്ന് തെളിയിക്കുന്നത്. ‘എ’ എന്നാണ് പുതിയ സിനിമയുടെ പേരെന്നും ജൂലൈ 1 ന് ഷൂട്ടിങ് ആരംഭിക്കുമെന്നുമാണ് ഫസ്റ്റ്ലുക്ക് പുറത്ത് വിട്ട് അദ്ദേഹം പ്രഖ്യാപിച്ചിരിക്കുന്നത്.
പുതിയ സിനിമകളുടെ ചിത്രീകരണം തുടങ്ങുന്നതിനെച്ചൊല്ലി മലയാള സിനിമയില്‍ തര്‍ക്കം നിലനില്‍ക്കുന്നതിനിടെയായിരുന്നു ലിജോ ജോസ് പെല്ലിശ്ശേരിയുടെ പ്രതികരണം. പുതിയ സിനിമകള്‍ ഉടന്‍ തുടങ്ങുന്നതില്‍ ചില നിര്‍മ്മാതാക്കള്‍ എതിര്‍പ്പു പ്രകടിപ്പിച്ച പശ്ചാത്തലത്തില്‍ ‘ഞാനൊരു സിനിമ പിടിക്കാന്‍ പോകുവാടാ ആരാടാ തടയാന്‍?’ എന്ന് അദ്ദേഹം തുറന്നടിച്ച് ചോദിക്കുകയായിരുന്നു.
Discussion about this post