ലോക്ക് ഡൗണിനിടെ മരിച്ച പേഴ്‌സണല്‍ സ്റ്റാഫായ അമോസിന്റെ അന്ത്യകര്‍മ്മങ്ങളില്‍ പങ്കെടുത്ത് നടന്‍ ആമിര്‍ ഖാനും ഭാര്യയും. ആമിറിന് പുറമെ ഭാര്യ കിരണ്‍ റാവുവും വിരലിണ്ണെവുന്ന ആളുകളുമാണ് ചടങ്ങില്‍ പങ്കെടുത്തത്.
ഹൃദയസ്തംഭനമാണ് മരണകാരണം. 60 വയസ്സായിരുന്നു. ശാരീരിക അസ്വസ്ഥകളെത്തുടര്‍ന്ന് ഹോളി ഫാമിലി ആശുപത്രിയിലെത്തിച്ചെങ്കിലും മരണപ്പെട്ടു. കഴിഞ്ഞ 25 വര്‍ഷമായി ആമിര്‍ ഖാനൊപ്പം അമോസ് ജോലി ചെയ്യുകയായിരുന്നു അമോസിന്റെ ആകസ്മിക മരണത്തില്‍ ആകെ അസ്വസ്ഥനാണെന്നും ജീവിതത്തിലെ വലിയൊരു നഷ്ടമാണെന്നും ആമിര്‍ പറയുന്നു. ഭാര്യയും രണ്ടു മക്കളുമാണ് അമോസിനുള്ളത്.