മോഹന്‍ലാല്‍ ആരാധകരും മമ്മൂട്ടി ആരാധകരും തമ്മില്‍ കൊമ്പു കോര്‍ക്കുമ്പോള്‍ അതില്‍ മൗനം പാലിച്ച് പരസ്പരം സൗഹാര്‍ദപരമായി മുന്നോട്ട് കുതിയ്ക്കുകയാണ് താരങ്ങള്‍. താരങ്ങള്‍ തമ്മിലുള്ള സൗഹൃദവും മറ്റും ആരാധകര്‍ക്ക് ആവേശകരമാണ്. ഇപ്പോഴിതാ സൗഹാര്‍ദത്തിന്റെ മറ്റൊരു മുഖം കൂടി വെളിപ്പെടുന്നു.
ഗോവന്‍ ഫിലിം ഫെസ്റ്റിവലില്‍ പ്രദര്‍ശിപ്പിച്ച മമ്മൂട്ടിയുടെ പുതിയ തമിഴ് ചിത്രമായ പേരന്‍പ് മികച്ച പ്രതികരണം നേടി മുന്നോട്ട് കുതിയ്ക്കുകയാണ്. ഈ ചിത്രം കാണുന്നതിനെക്കുറിച്ച് മോഹന്‍ലാല്‍ പറഞ്ഞതാണ് ആരാധകര്‍ ഏറ്റെടുത്തിരിക്കുന്നത്.
പേരന്‍പ് തീയ്യേറ്ററുകളിലെത്തുമ്പോള്‍ അതുകാണാന്‍ ആദ്യദിവസം താനുണ്ടാകും എന്നാണ് മോഹന്‍ലാല്‍ പറഞ്ഞിരിക്കുന്നത്. ഒരു ഓണ്‍ലൈന്‍ മാധ്യമത്തിന് നല്‍കിയ അഭിമുഖത്തിലാണ് മമ്മൂട്ടിയുടെ മികച്ച പ്രകടനം കാണാന്‍ താനെത്തുമെന്ന് മോഹന്‍ലാല്‍ വെളിപ്പെടുത്തിയത്. മമ്മൂട്ടിയുടെ മികച്ച പ്രകടനമാണ് പേരന്‍പിലുള്ളതെന്നാണ് പ്രേക്ഷകരുടെയും പ്രതികരണം.
Discussion about this post