മോഹന്‍ലാല്‍ ചിത്രം ‘മരക്കാര്‍ അറബിക്കടലിന്റെ സിംഹ’ത്തെ തകര്‍ത്ത് വിജയിയുടെ ‘മാസ്റ്റര്‍’. പതിനേഴ് മണിക്കൂറ് കൊണ്ട് 5.6 മില്യണ്‍ കാഴ്ചക്കാരുമായി യൂട്യൂബ് ട്രെന്‍ഡിങില്‍ ഒന്നാം സ്ഥാനത്താണ് ചിത്രത്തിലെ ‘വാത്തി കമിങ്’ സോങ്. ബാലചന്ദറിന്റെ വരികള്‍ക്ക് അനിരുദ്ധ് രവിചന്ദര്‍ സംഗീതം പകര്‍ന്ന് ഇരുവരും ചേര്‍ന്ന് തന്നെയാണ് ഗാനം ആലപിച്ചിരിക്കുന്നത്.
കാര്‍ത്തിയെ നായകനാക്കി ഒരുക്കിയ കൈദിയ്ക്ക് ശേഷം ലോകേഷ് കനകരാജ് സംവിധാനം ചെയ്യുന്ന ചിത്രം കൂടിയാണിത്. ചിത്രത്തില്‍ ഒരു പ്രൊഫസറുടെ വേഷത്തിലാണ് വിജയ് എത്തുന്നത്. മക്കള്‍ സെല്‍വന്‍ വിജയ് സേതുപതിയാണ് ചിത്രത്തിലെ വില്ലന്‍.
മാളവിക മോഹനനും ആന്‍ഡ്രിയയുമാണ് ചിത്രത്തിലെ നായികമാര്‍. ശന്തനു ഭാഗ്യരാജ്, അര്‍ജുന്‍ ദാസ്, ശ്രീനാഥ്, ഗൗരി കൃഷ്ണന്‍ തുടങ്ങിയവരാണ് ചിത്രത്തിലെ മറ്റ് താരങ്ങള്‍. സേവ്യര്‍ ബ്രിട്ടോ ആണ് നിര്‍മാണം. ഏപ്രിലില്‍ ചിത്രം പുറത്തിറങ്ങും.
Discussion about this post