1988ല്‍ കമല്‍ സംവിധാനം ചെയ്ത സൂപ്പര്‍ ഹിറ്റ് ചിത്രമാണ് ‘കാക്കോത്തിക്കാവിലെ അപ്പൂപ്പന്‍താടികള്‍’. ചിത്രത്തിലെ ‘കണ്ണാം തുമ്പി പോരാമോ’ എന്ന ഗാനം ഇന്നും മലയാളികളുടെ പ്രിയപ്പെട്ട ഗാനങ്ങളില്‍ ഒന്നാണ്. ഔസേപ്പച്ചന്റെ സംഗീതത്തില്‍ കെഎസ് ചിത്ര ആലപിച്ച ഈ മനോഹര ഗാനത്തിന് പുതിയ ദൃശ്യാവിഷ്‌ക്കാരം ഒരുങ്ങുകയാണ്.
സംവിധായകരായ പ്രമോദ് പപ്പന്മാരാണ് ഈ ഗാനം പുനരാവിഷ്‌കരിക്കുന്നത്. പുതിയകാല പ്രേക്ഷകരുടെ അഭിരുചിക്ക് അനുസരിച്ചാണ് ഗാനം ചിത്രികരിച്ചിരിക്കുന്നത്. ദുബായിലാണ് ഗാനം ചിത്രീകരിച്ചിരിക്കുന്നത്. ഹരിത ഹരീഷാണ് ഈ കവര്‍ സോങ് പാടിയിരിക്കുന്നത്. ഔസേപ്പച്ചന്‍ തന്നെയാണ് സംഗീത സംവിധായകന്‍.
ഫ്രേയ മറിയവും അയാ മറിയവുമാണ് ഗാനരംഗത്ത് അഭിനയിച്ചിരിക്കുന്നത്. സത്യം ഓഡിയോസിന്റെ യൂട്യൂബ് ചാനലിലൂടെ ഈ ഗാനം ഉടന്‍ തന്നെ റിലീസ് ചെയ്യും.