രോഹിത് ഷെട്ടി അക്ഷയ് കുമാറിനെ നായകനാക്കി ഒരുക്കിയ ആക്ഷന്‍ ചിത്രം ‘സൂര്യവന്‍ശി’യുടെ ട്രെയിലര്‍ പുറത്തുവിട്ടു. ചിത്രത്തില്‍ ഭീകരവിരുദ്ധ സേനാ തലവന്‍ വീര്‍ സൂര്യവന്‍ശി എന്ന കഥാപാത്രമായാണ് താരം എത്തുന്നത്.
ചിത്രത്തില്‍ അതിഥി താരങ്ങളായി അജയ് ദേവ്ഗണും രണ്‍വീറും സിംഗും എത്തുന്നുണ്ട്. ഇരുവരും രോഹിത് ഷെട്ടി തന്നെ മുമ്പ് സംവിധാനം ചെയ്ത ചിത്രത്തിലെ കഥാപാത്രങ്ങളായാണ് എത്തുന്നത്. ‘സിംബ’യിലെ ‘സംഗ്രാം സിംബ ബലിറാവു’ എന്ന കഥാപാത്രമായാണ് രണ്‍വീര്‍ എത്തുന്നത്. അജയ് ദേവ്ഗണ്‍ സിംഗം സിരീസിലെ ബജിറാവു സിംഗമായും.
കത്രീന കൈഫ് ആണ് ചിത്രത്തിലെ നായിക. ജാക്കി ഷറഫ്, ഗുല്‍ഷന്‍ ഗ്രോവര്‍, ജാവേദ് ജെഫ്രി തുടങ്ങിയവരാണ് ചിത്രത്തിലെ മറ്റ് താരങ്ങള്‍. മാര്‍ച്ച് 24 ന് ചിത്രം തീയ്യേറ്ററുകളിലെത്തും.
