സീരിയലിലൂടെയും സിനിമകളിലൂടെയും പ്രേക്ഷകര്‍ക്ക് സുപരിചിതനായ താരമാണ് ബാലാജി ശര്‍മ. സിനിമയില്‍ ആയാലും സീരിയലില്‍ ആയാലും ആളുകള്‍ എന്നും ഓര്‍ത്തിരിക്കുന്ന കഥാപാത്രങ്ങള്‍ സമ്മാനിച്ച താരം കൂടിയാണ്. അതിനൊക്കെ പുറമെ അദ്ദേഹമൊരു ഭാഗ്യതാരം കൂടിയാണ്. കാരണം അദ്ദേഹം അഭിനയിച്ച ചിത്രങ്ങളൊക്കൊ കോടികള്‍ കളക്ഷന്‍ നേടിയവയാണ്.
ഇപ്പോഴിതാ അദ്ദേഹം അവസാനമായി അഭിനയിച്ച ടൊവീനോ നായകനായി എത്തിയ ‘ഫോറന്‍സിക്’ തീയ്യേറ്ററുകളില്‍ വിജയ കുതിപ്പിലാണ്. ‘ചേട്ടാ നിങ്ങള് നിങ്ങളുടെ പേര് കാത്തു. ഇതും 50 കോടി പടമാകും’ എന്നാണ് ടൊവീനോ തന്നെ ബാലാജിയെ വിളിച്ച് അറിയിച്ചത്. ഈ കാര്യമാണ് അദ്ദേഹം തന്റെ ഫേസ്ബുക്ക് പോസ്റ്റിലൂടെ പങ്കുവെച്ചത്.
ബാലാജി ശര്‍മയുടെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം,
Tovino …. ഒരു 50 കോടി ഡീല്‍.
ഫോറന്‍സിക് തകര്‍ത്തു ആടി തിമിര്‍ത്തു മുന്നേറുമ്പോള്‍ അത് കണ്ടിട്ട് ടോവിയെ വിളിക്കാതിരിക്കാന്‍ പറ്റിയില്ല . രണ്ടു പ്രാവശ്യം വിളിച്ചിട്ടും എടുക്കാതിരുന്നപ്പോള്‍ ആ ശ്രമം ഉപേക്ഷിച്ച മാത്രയില്‍ അതാ ടോവി ഇങ്ങോട്ടു വിളിക്കുന്നു! എടുത്തു അങ്ങോട്ട് നല്ല വാക്കു പറയുന്നതിന് മുന്‍പേ തന്നെ ടോവി ‘ചേട്ടാ നിങ്ങള് നിങ്ങളുടെ പേര് കാത്തു .’ഞാന്‍’ പേരോ . എന്താ . എങ്ങനെ ? ‘ടോവി: ‘ഈ പടവും 50 കോടി collect ചെയ്യാന്‍ സാധ്യത ഉണ്ട്’ അപ്പോള്‍ അന്തം വിട്ട ഞാന്‍:’ അതും ഞാന്‍ പേര് കാത്തു എന്ന് പറയുന്നതിലും തമ്മില്‍ ? ‘ ടോവി ചിരിച്ചു കൊണ്ട് പറഞ്ഞു ‘ ഒരു കാലത്തു 50 കോടിയില്‍ കൂടുതല്‍ collect ചെയ്ത പടങ്ങളിലെ നിറ സാന്നിധ്യമായിരുന്നല്ലോ താങ്കള്‍ അപ്പോള്‍ ആ പേര് നിലനിര്‍ത്തി ‘ഞാന്‍ ചിന്തിച്ചപ്പോള്‍ ശരിയാ. ദൃശ്യം മുതല്‍ അങ്ങോട്ട് അമര്‍ അക്ബര്‍, എന്ന് നിന്റെ മൊയ്ദീന്‍ , ഒപ്പം , great father, എന്തിനു സൂപ്പര്‍ ഹിറ്റ് ആയ മെക്‌സിക്കന്‍ അപാരത. തുടങ്ങി ഒരു പാട് ചിത്രങ്ങളില്‍ ചെറിയ സാനിധ്യം എന്റെയും ഉണ്ടായിരുന്നു. ഇപ്പോള്‍ ഫോറന്‍സിക് എന്ന പടത്തിലും ഒരു ഡോക്ടര്‍ വേഷത്തില്‍ എന്റെ സാന്നിധ്യമുണ്ട് .
മെക്‌സിക്കന്റെ ഷൂട്ട് നടക്കുമ്പോള്‍ തമാശയായി ടോവി പറഞ്ഞത് ഇപ്പോഴും ഓര്‍മയുണ്ട് .നിങ്ങള് ഉള്ളത് കൊണ്ട് പടം 50 കോടി അടിച്ചാല്‍ എന്റെ സമയം മാറും. ശരിയാ പടം സൂപ്പര്‍ ഹിറ്റ് ആയി ടോവി സ്റ്റാര്‍ ആയി. ‘ചേട്ടാ നിങ്ങളെന്താ ഡബ്ബ് ചെയ്യാത്തെ? ‘ടോവിയുടെ ചോദ്യം കേട്ടപ്പോള്‍ ചിന്തയില്‍ നിന്നു ഉണര്‍ന്ന ഞാന്‍ ‘അത് അവര്‍ വിളിച്ചപ്പോള്‍ ഞാന്‍ തിരക്കായിരുന്നു . പിന്നെ ഞാന്‍ അങ്ങോട്ട് വിളിച്ചപ്പോള്‍ അവര്‍ റിലീസ് prepone ചെയ്തതിന്റെ തിരക്കിലും . ആദ്യമായിട്ടാ വേറൊരു ശബ്ദം .പിന്നെ ചെറിയ റോള്‍ ആയതു കൊണ്ടാകാം .’ ടോവി ‘ അപ്പോള്‍ ഇനിയും പേര് നിലനിര്‍ത്താന്‍ സാധിക്കട്ടെ ‘അപ്പോള്‍ ഞാന്‍ ‘അതെ ഇനി വലിയ character കിട്ടിയാലേ 50 കോടിക്ക് വേണ്ടി ഞാന്‍ പ്രാര്‍ത്ഥിക്കു കേട്ടോ ‘ ചിരിച്ചു കൊണ്ട് ടോവി ഫോണ്‍ കട്ട് ചെയ്തു.
ടോവിനോ എന്ന മനുഷ്യന്‍ സിമ്പിള്‍ ആണ് പക്ഷെ ടോവി എന്ന ആക്ടര്‍ powerful ആണ് . ദീര്‍ഖ വീക്ഷണമുള്ള കലാകാരനാണ് ടോവി. എന്ന് നിന്റെ മൊയ്ദീന്‍ ഷൂട്ട് ചെയുന്ന സമയത്തു ഒരുപാടു പേര് നെഗറ്റീവ്‌സ് പറഞ്ഞപ്പോള്‍ ടോവി ആത്മവിശ്വാസത്തോടെ പറയുന്നത് എപ്പോഴും ഓര്‍മിക്കും ‘ ഇതു ഒരു നല്ല പരിപാടിയായിരിക്കും. ഒരു classy hit ആയിരിക്കും’ സംഭവം കാലം തെളിയിച്ച സത്യം . അത് പോലെ ഒരുപാടു റോളുകള്‍ തേടി വന്നപ്പോഴും തനിക്കു ഇഷ്ടമല്ലാത്തതിന് no പറയാന്‍ ടോവി വിമുഖത കാണിച്ചിരുന്നില്ല . That is. A quality . പിന്നെ അന്നത്തെ ടോവിക്കു ഇപ്പോഴും ഒരു മാറ്റവുമില്ല . അപ്പോള്‍ എല്ലാ ഭാവുകങ്ങളും .ടോവിനോ തോമസ്
