രസകരമായ അവതരണത്തിലൂടെ പ്രേക്ഷക മനസില്‍ ഇടം നേടിയ താരമാണ് ആദില്‍ ഇബ്രാഹിം.
ആദിലിന്റെ വിവാഹ ചിത്രങ്ങളെല്ലാം സോഷ്യല്‍ മീഡിയയില്‍ വൈറലായിരുന്നു. അടുത്ത സുഹൃത്തുക്കളും കുടുംബാംഗങ്ങളും മാത്രം പങ്കെടുത്ത സ്വകാര്യ ചടങ്ങിലായിരുന്നു വിവാഹം. പിന്നീട് കൊച്ചിയിലെ ഗ്രാന്‍ഡ് ഹയാത്തില്‍ വച്ച് വിവാഹ സത്കാര ചടങ്ങുകള്‍ നടന്നു. ചടങ്ങില്‍ ടെലിവിഷന്‍-ചലച്ചിത്ര രംഗത്തെ പ്രമുഖര്‍ പങ്കെടുത്തു.
ആദിലിന്റെ വിവാഹം ശ്രദ്ധിക്കപ്പെടാനുള്ള മറ്റൊരു കാരണം എന്നത് , ഇസ്ലാം മതവിശ്വാസിയായ ആദില്‍ ഇതര മതസ്ഥയായ നമിതയെ വിവാഹം ചെയ്തു എന്നായിരുന്നു. ഇതിന് നേരെ സോഷ്യല്‍ മീഡിയയിലല്‍ കമന്റുകളും വന്നിരുന്നു. എന്നാല്‍ വിമര്‍ശകര്‍ക്ക് തക്കതായ മറുപടിയും താരം കൊടുത്തിരുന്നു.
ഇപ്പോഴിതാ തന്റെ പ്രിയതമയ്‌ക്കൊപ്പമുള്ള ചിത്രം പങ്കുവച്ചിരിക്കുകയാണ് താരം. ചിത്രത്തിന് ആദില്‍ നല്‍കിയ കുറിപ്പാണ് കൗതുകമാകുന്നത്. നമിതയെ ചേര്‍ത്ത് പിടിച്ച ചിത്രത്തിനൊപ്പം, ‘ ഇല്ല പെണ്ണേ ഞാന്‍ വിടില്ല…, എന്നെ കൊന്നാലും പൊന്നേ നിന്റെ പിടിവിടില്ല…’ എന്നായിരുന്നു താരത്തിന്റെ കുറിപ്പ്. പോസ്റ്റിന് താഴെ.. സേട്ടാ… എന്ന ഒരു വിളിയായിരുന്നു സഞ്ജു ശിവറാമന്റെ കമന്റ്. ചിത്രം ഇതിനോടകം തന്നെ ആരാധകര്‍ ഏറ്റെടുത്തു കഴിഞ്ഞു.
Discussion about this post