പ്രധാനമന്ത്രി നരേന്ദ്ര മോഡിയ്ക്ക് ശേഷം ഡിസ്‌കവറി ചാനലിലെ പ്രശസ്തമായ ‘മാന്‍ വേഴ്സസ് വൈല്‍ഡ്’ എന്ന ഷോയില്‍ ഇത്തവണ അതിഥി ആയി എത്തുന്നത് രജനീകാന്ത്. ഷോയുടെ ചിത്രീകരണം കര്‍ണാടകയിലെ ദേശീയ ഉദ്യാനമായ ബന്ദിപ്പുര്‍ കടുവാ സങ്കേതത്തില്‍ ആരംഭിച്ചു. താരത്തിന്റെ തലൈവര്‍ 168 എന്ന പുതിയ ചിത്രത്തിന്റെ ചിത്രീകരണം നടക്കുകയാണ്. ഇതില്‍ നിന്ന് കുറച്ചു ദിവസത്തെ അവധി എടുത്താണ് രജനീകാന്ത് ചിത്രീകരണത്തിന് എത്തിയിരിക്കുന്നത്. എഎന്‍ഐയാണ് ഈ വാര്‍ത്ത റിപ്പോര്‍ട്ട് ചെയ്തിരിക്കുന്നത്.
കഴിഞ്ഞ വര്‍ഷം ഈ ഷോയില്‍ മോഡി അതിഥിയായി എത്തിയിരുന്നു. ഉത്തരാഖണ്ഡിലെ പ്രശസ്തമായ ജിം കോര്‍ബറ്റ് നാഷണല്‍ പാര്‍ക്കില്‍ വെച്ചായിരുന്നു ഇത് ചിത്രീകരിച്ചിരുന്നത്.
‘ചിത്രീകരണ സമയത്ത് ശക്തമായ കാറ്റിനെയും വഴിയിലെ വലിയ കല്ലുകളെയുമൊക്കെ മറികടന്നായിരുന്നു സഞ്ചാരം. അതുകൊണ്ട് തന്നെ ടീമംഗങ്ങളൊക്കെ വലിയ ആശങ്കയിലായിരുന്നു. എന്നാല്‍ യാത്രയില്‍ ഉടനീളം ശാന്തനായി നിലകൊള്ളുന്ന പ്രധാനമന്ത്രിയെയാണ് ഞങ്ങള്‍ക്ക് അന്ന് കാണാന്‍ സാധിച്ചത്. വളരെ ശാന്തമായിട്ടാണ് അദ്ദേഹം ഞങ്ങളോട് സഹകരിച്ചത്. ഞങ്ങളെ സംബന്ധിച്ച് അത് വളരെ ആശ്വാസം തോന്നി. ഒരു പ്രതിസന്ധി ഉണ്ടാകുന്നത് വരെ ഒരാള്‍ എങ്ങനെയായിരിക്കും എന്ന് പറയാന്‍ സാധിക്കില്ല, എന്നാല്‍ ഒരു നേതാവ് എന്ന നിലയില്‍ ഏത് പ്രതിസന്ധിയിലും മോഡി ശാന്തനാണ് എന്ന് തിരിച്ചറിയാന്‍ സാധിച്ചു’ എന്നാണ് മോഡിക്കൊപ്പമുള്ള ചിത്രീകരണ അനുഭവത്തെ കുറിച്ച് ബെയര്‍ ഗ്രിയില്‍സ് ഒരു ദേശീയ മാധ്യമത്തോട് വെളിപ്പെടുത്തിയത്.
#WATCH Actor Rajinikanth arrives at Bandipur forest in Karnataka for a shoot of an episode of 'Man vs Wild' with British adventurer Bear Grylls pic.twitter.com/Eh2Lwd4BAI
— ANI (@ANI) January 28, 2020
Discussion about this post