സോഷ്യല്‍ മീഡിയയില്‍ സജ്ജീവമായ താര ദമ്പതികളാണ് ഫഹദ് ഫാസിലും നസ്രിയ നസീമും. തങ്ങളുടെ സന്തോഷകരമായ വിശേഷങ്ങളെല്ലാം ഇരുവരും സമൂഹമാധ്യമങ്ങളില്‍ പങ്കുവെക്കാറുണ്ട്. നസ്രിയയുടെ കുസൃതി നിറഞ്ഞ ഫോട്ടോകളും പലപ്പോഴും സോഷ്യല്‍ മീഡിയയില്‍ തരംഗമാവാറുണ്ട്. ഇപ്പോള്‍ സമാനമായ ഒരു ചിത്രം പങ്കുവെച്ചിരിക്കുകയാണ് നടി.
ഫഹദും നസ്രിയയും മാത്രമാണ് ചിത്രത്തിലുള്ളത്. രസകരമായ കാര്യം ഇരുവരും മാസ്‌ക് ഉപയോഗിച്ച് മുക്കും വായും മൂടിക്കെട്ടിയ ചിത്രമായിരുന്നിത്. ചിത്രത്തിന് താഴെ പലരും പലവിധ ചോദ്യങ്ങളുമായി എത്തി കൊണ്ടിരിക്കുകയാണ്. പ്രധാനമായും എല്ലാവര്‍ക്കും ചോദിക്കാനുള്ളത് ലോകം മൊത്തം വ്യാപിച്ച് കൊണ്ടിരിക്കുന്ന കൊറോണ വൈറസിനെ പ്രതിരോധിക്കാനുള്ള തയ്യാറെടുപ്പിലാണോ എന്നായിരുന്നു. ചിത്രം സോഷ്യല്‍ മീഡിയയില്‍ ചര്‍ച്ചയായിരിക്കുകയാണ്.
അതേസമയം ഇരുവരും ഒന്നിച്ചെത്തുന്ന ട്രാന്‍സ് എന്ന സിനിമയ്ക്ക് വേണ്ടിയുള്ള കാത്തിരിപ്പിലാണ് ആരാധകര്‍. വിവാഹശേഷം ഇരുവരും ഒന്നിക്കുന്ന സിനിമയാണിത്. അഞ്ജലി മേനോന്‍ സംവിധാനം ചെയ്ത് 2014 ല് റിലീസ് ചെയ്ത ബാംഗ്ലൂര്‍ ഡെയിസ് എന്ന ചിത്രത്തിലായിരുന്നു ഇരുവരും അവസാനമായി ഒന്നിച്ചഭിനയിച്ചത്.
Discussion about this post