പ്രേക്ഷകരുടെ പ്രിയതാരമാണ് ഗായത്രി അരുണ്‍. ഗായത്രി എന്ന പേരിനേക്കാള്‍ ദീപ്തി ഐപിഎസ് എന്ന പേരിലാണ് ഗായത്രി ഏവര്‍ക്കും സുപരിചിത. സോഷ്യല്‍ മീഡിയയില്‍ സജ്ജീവമായ താരത്തിന്റെ ചിത്രങ്ങള്‍ പലപ്പോഴും ശ്രദ്ധിക്കപ്പെടാറുണ്ട്. ഇപ്പോള്‍ അത്തരത്തില്‍ സ്ലിമ്മായി സുന്ദരിയായ ചിത്രങ്ങളാണ് ഗായത്രി പങ്കുവച്ചിരിക്കുന്നത്.
ചിത്രങ്ങള്‍ക്ക് താഴെ നിരവധി കമന്റുകളാണ് വന്നത്. മമ്മൂക്കയോടൊപ്പം അഭിനയിച്ചാല്‍ അഭിനയിക്കുന്നവരുടെ പ്രായവും കുറയുമോ എന്നും, പ്രായം കുറഞ്ഞുവരികയാണല്ലോ എന്നും വരെയാണ് കമന്റുകള്‍. ഇതിനോടകം തന്നെ ചിത്രങ്ങള്‍ ആരാധകര്‍ ഏറ്റെടുത്തു കഴിഞ്ഞു.
പ്രേക്ഷകര്‍ക്ക് മുമ്പില്‍ ടെലിവിഷന്‍ സ്‌ക്രീനിലാണ് ഗായത്രി തിളങ്ങിയിരുന്നതെങ്കില്‍ ഇപ്പോഴിതാ സിനിമകളിലേക്കും ചുവടുവയ്ക്കുകയാണ് ഗായത്രി. വരാനിരിക്കുന്ന മമ്മൂട്ടിയുടെ വണ്‍, അര്‍ജുന്‍ അശോകന്റെ മെമ്പര്‍ രമേശന്‍ തുടങ്ങിയ ചിത്രങ്ങളിലാണ് താരമെത്തുന്നത്. മിനിസ്‌ക്രീനില്‍ നിന്നും ബിഗ് സ്‌ക്രീനിലേക്കെത്തിയപ്പോഴും ശക്തമായ പിന്തുണയാണ് താരത്തിന് ആരാധകര്‍ നല്‍കുന്നത്.
Discussion about this post