തമിഴകത്തിന്റെ ദളപതി വിജയും മക്കള്‍ സെല്‍വന്‍ വിജയ് സേതുപതിയും ഒന്നിക്കുന്ന ആദ്യ ചിത്രമാണ് ‘മാസ്റ്റര്‍’. പ്രേക്ഷകര്‍ ആകാംഷയോടെ കാത്തിരിക്കുന്ന ചിത്രത്തിന്റെ തേഡ് ലുക്ക് പോസ്റ്ററും പുറത്ത് വന്നിരിക്കുകയാണ്. വിജയും വിജയ് സേതുപതിയും നേര്‍ക്കുനേര്‍ വരുന്ന ചിത്രത്തില്‍ ഇരുവരെയും ഉള്‍ക്കൊള്ളിച്ചുള്ളതാണ് പുതിയ പോസ്റ്റര്‍.
കാര്‍ത്തി നായകവേഷത്തിലെത്തിയ കൈതി എന്ന ബ്ലോക്ക്ബസ്റ്റര്‍ ഹിറ്റിന് ശേഷം ലോകേഷ് കനകരാജ് ഒരുക്കുന്ന ചിത്രമാണ് മാസ്റ്റര്‍. വലിയ താര പരിവേഷമുള്ള രണ്ട് പേരെ വച്ച് ലോകേഷ് ഒരുക്കുന്ന മാസ്റ്ററിന് പ്രതീക്ഷകളേറെയാണ്. തിരക്കഥ ലോകേഷ് കനകരാജിന്റേത് തന്നെയാണ്.
അനിരുദ്ധാണ് ചിത്രത്തിന്റെ സംഗീതം ചെയ്തിരിക്കുന്നത്. ഛായാഗ്രഹണം സത്യന്‍ സൂര്യന്‍. വിജയ്, വിജയ് സേതുപതി എന്നിവരെക്കൂടാതെ മാളവിക മോഹന്‍, ആന്‍ഡ്രിയ, ശാന്തനു ബാഗ്യരാജ് തുടങ്ങി നീണ്ട താരനിര ചിത്രത്തിലുണ്ട്.
Discussion about this post