എണ്‍പതാം പിറന്നാള്‍ ആഘോഷിക്കുന്ന ഗാനഗന്ധര്വന് കെജെ യേശുദാസിന് പിറന്നാള്‍ ആശംസകള്‍ നേര്‍ന്ന് മലയാളികളുടെ പ്രിയപ്പെട്ട വാനമ്പാടി കെഎസ് ചിത്ര. ഫേസ്ബുക്ക് പോസ്റ്റിലൂടെയാണ് ചിത്ര ഗാനഗന്ധര്വന് ആശംസകള്‍ നേര്‍ന്നിരിക്കുന്നത്.
‘പ്രപഞ്ചാവസാനം വരെ അങ്ങയുടെ നിലയ്ക്കാത്ത മാസ്മരനാദ വര്‍ഷത്താല്‍ ഞങ്ങളെ ധന്യരാക്കിയാലും നാദവ്യാസ. പ്രപഞ്ചാവസാനം വരെ അങ്ങയുടെ നിലയ്ക്കാത്ത മാസ്മരനാദവര്‍ഷത്താല്‍ ഞങ്ങളെ ധന്യരാക്കിയാലും’ എന്നാണ് കെഎസ് ചിത്ര ഫേസ്ബുക്കില്‍ കുറിച്ചത്.
‘വാക്കുകള്‍ക്ക് അതീതമാണ് ആ സംഗീതത്തോടുള്ള ബഹുമാനവും ആ വ്യക്തിയോടുള്ള സ്നേഹവും. ദൈവമേ ഈ അമൂല്യ സംഗീതജ്ഞനെ ഞങ്ങള്‍ക്ക് തന്നതിന് നന്ദി’ എന്നാണ് ഗാനഗന്ധര്വന് പിറന്നാള്‍ ആശംസകള്‍ നേര്‍ന്നുകൊണ്ട് സുജാത ഫേസ്ബുക്കില്‍ കുറിച്ചത്.
1940 ജനുവരി പത്തിനാണ് ഫോര്‍ട്ട് കൊച്ചിയില്‍ അഗസ്റ്റിന്‍ ജോസഫിന്റെയും എലിസബത്തിന്റേയും മകനായി കെജെ യേശുദാസ് എന്ന കട്ടാശേരി ജോസഫ് യേശുദാസിന്റെ ജനനം. മികച്ച പിന്നണി ഗായകനുളള ദേശീയ പുരസ്‌കാരം ഏറ്റവും കൂടുതല്‍ തവണ നേടിയ ഗായകന്‍ കൂടിയാണ് യേശുദാസ്. എട്ട് തവണയാണ് അദ്ദേഹം മികച്ച ഗായകനുള്ള ദേശീയ അവാര്‍ഡ് സ്വന്തമാക്കിയത്. കേരള, തമിഴ്നാട്, ആന്ധ്ര, കര്‍ണ്ണാടക, ബംഗാള്‍ സംസ്ഥാനങ്ങളുടെ മികച്ച പിന്നണി ഗായകനുള്ള അവാര്‍ഡുകളും അദ്ദേഹം നേടിയിട്ടുണ്ട്
Discussion about this post