സോഷ്യല്‍ മീഡിയ വിടാതെ പിന്തുടരുന്ന താര ദമ്പതികളാണ് ദിലീപും കാവ്യ മാധവനും. പ്രേക്ഷകര്‍ക്ക് ഏറെ പ്രിയപ്പെട്ട താരങ്ങള്‍ക്കൂടിയാണ് ഇവര്‍. ഇരുവരുടെയും ചിത്രങ്ങള്‍ സമൂഹമാധ്യമങ്ങളില്‍ തരംഗമാവാറുണ്ട്. ഇപ്പോള്‍ ദിലീപിന്റെ പുതിയ ലുക്ക് ചിത്രമാണ് വൈറലാവുന്നത്. ദിലീപിനൊപ്പം കാവ്യയും ചിത്രത്തില്‍ ഉണ്ട്.
ദിലീപിനെ നായകനാക്കി നാദിര്‍ഷാ സംവിധാനം ചെയ്യുന്ന കേശു ഈ വീടിന്റെ നാഥന്‍ എന്ന ചിത്രത്തിലെ കഥാപാത്രത്തിന്റെ ഗെറ്റപ്പിലാണ് ദിലീപ്. ഇരുവരും ഒരു ചടങ്ങില്‍ പങ്കെടുക്കാനെത്തിയപ്പോള്‍ പകര്‍ത്തിയ ചിത്രമാണിത്.
കഷണ്ടി കയറിയ, മധ്യവയസ്സ് പിന്നിട്ട കേശുവാണ് ചിത്രത്തില്‍ ദിലീപിന്റെ ഒരു കഥാപാത്രം. ഈ ഗെറ്റപ്പിനു വേണ്ടി താരം മൊട്ടയടിച്ചാണ് അഭിനയിക്കുന്നത്. മൊട്ടയടിച്ച ലുക്കിലുള്ള താരത്തിന്റെ ചിത്രങ്ങള്‍ കഴിഞ്ഞ ദിവസം സോഷ്യല്‍ മീഡിയയില്‍ വൈറല്‍ ആയിരുന്നു.
സജീവ് പാഴൂര്‍ തിരക്കഥയെഴുതുന്ന ചിത്രത്തില്‍ ഉര്‍വശിയാണ് ദിലീപിന്റെ ഭാര്യാ വേഷത്തില്‍. ചിത്രത്തിന്റെ ഷൂട്ടിങ് പുരോഗമിച്ചു കൊണ്ടിരിക്കുകയാണ്.
ദിലീപ് കാവ്യാ ദമ്പതികളുടെ ചിത്രം പലപ്പോഴും സോഷ്യല്‍ മീഡിയയില്‍ ശ്രദ്ധിക്കപ്പെടാറുണ്ട്. താരങ്ങള്‍ക്ക് ആരാധകരും ഏറെയാണ്.
ബാലതാരമായി സിനിമയിലേക്കെത്തിയ കാവ്യ മാധവന്‍ അക്കാലത്ത് തന്നെ പ്രേക്ഷക ഹൃദയത്തില്‍ ഇടംപിടിച്ചിരുന്നു. വിടര്‍ന്ന കണ്ണുകളുമായെത്തിയ ആ താരം പില്‍ക്കാലത്ത് മലയാളത്തിന്റെ പ്രിയനായികയായി മാറുകയായിരുന്നു. ആദ്യ സിനിമയിലെ നായകനായ ദിലീപിനെയായിരുന്നു താരം ജീവിതപങ്കാളിയാക്കിയത്. അപ്രതീക്ഷിത സംഭവങ്ങള്‍ക്കൊടുവിലായാണ് ഇരുവരും ജീവിതത്തില്‍ ഒരുമിച്ചത്.
Discussion about this post