മാമാങ്കത്തെ എംടി -ഹരിഹരന്‍ കൂട്ടുക്കെട്ടില്‍ ഒരുങ്ങിയ ‘ഒരു വടക്കന്‍ വീര ഗാഥ’യുമായിട്ട് താരതമ്യം ചെയ്യരുതെന്ന് സംവിധായകന്‍ എംഎ നിഷാദ്. അങ്ങനെ ചെയ്യുന്നത് അവിവേകമാണെന്നും അദ്ദേഹം തന്റെ ഫേസ്ബുക്ക് കുറിപ്പില്‍ കുറിച്ചു.
ഒരുപാട് വൈതരണികള്‍ തരണം ചെയ്ത് ഈ സിനിമ പ്രദര്‍ശനത്തിന് എത്തിച്ചതിന് നിര്‍മ്മാതാവ് വേണു കുന്നപ്പിളളിക്ക് അഭിമാനിക്കാം എന്നും അദ്ദേഹം ഫേസ്ബുക്ക് കുറിപ്പില്‍ കൂട്ടിച്ചേര്‍ത്തു. മമ്മൂട്ടി എന്ന നടന്റെ ഗാംഭീര്യം നിറഞ്ഞ ശബ്ദവും, ആകാര ഭംഗിയും വേണ്ടുവോളം ഈ ചിത്രത്തില്‍ ഉപയോഗിച്ചിട്ടുണ്ടെന്നും നായികയേക്കാള്‍ ചിത്രത്തില്‍ മികച്ച് നിന്നത് ഇനിയയാണെന്നും അദ്ദേഹം ഫേസ്ബുക്ക് കുറിപ്പില്‍ കൂട്ടിച്ചേര്‍ത്തു.
എംഎ നിഷാദിന്റെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം,
മലയാള സിനിമയിലെ ഏറ്റവും ചിലവേറിയ സിനിമകളിലൊന്ന്.തീര്‍ച്ചയായും,ഈ ചിത്രത്തിന്റെ നിര്‍മ്മാതാവ് വേണു കുന്നപ്പളളിക്ക് അഭിമാനിക്കാം,അദ്ദേഹത്തിന് തന്നെയാണ് അഭിനന്ദനങ്ങള്‍ നല്‍കേണ്ടത്.ഒരുപാട് വൈതരണികള്‍ തരണം ചെയ്ത് ഈ സിനിമ പ്രദര്‍ശനത്തിനെത്തിച്ചതിന്. മമ്മൂട്ടി എന്ന നടന്റെ ഗാംഭീര്യം നിറഞ്ഞ ശബ്ദവും,ആകാര ഭംഗിയും വേണ്ടുവോളം ഉപയോഗിച്ചിട്ടുണ്ട് ഈ ചിത്രത്തില്‍.ഉണ്ണിമുകുന്ദന്‍ ഈ അടുത്ത കാലത്ത് ചെയ്ത ഇരുത്തം വന്ന വേഷം,അച്ഛുതന്‍ എന്ന കൊച്ച് മിടുക്കനാണ് എടുത്ത് പറയേണ്ട താരം.ചെറുതെന്കിലും,സുരേഷ് കൃഷ്ണയും,മണിക്കുട്ടനും,അവരവരുടെ ഭാഗം നന്നാക്കി.നായികയേക്കാളും മികച്ച് നിന്നത് ഇനിയയാണ്.അനു സിത്താരയും മോശമാക്കിയില്ല.മനോജ് പിളളയുടെ ക്യാമറക്ക് ഫുള്‍ മാര്‍ക്ക്.
എം ജയചന്ദ്രന്റെ പാട്ടുകള്‍ പതിവ് പോലെ നന്നായി.
കൂറ്റന്‍ സെറ്റുകളും,സംഘട്ടന രംഗങ്ങളും,പടത്തിന്റ്‌റെ മാറ്റ് കൂട്ടി. എം ടി – ഹരിഹരന്‍ ടീമിന്റ്‌റെ ഒരു വടക്കന്‍ വീര ഗാഥയുമായിട്ട് ഈ ചിത്രത്തെ താരതമ്മ്യം ചെയ്യരുത്.അങ്ങനെ ചെയ്യുന്നത് അവിവേകമാണ് താനും.ഈ ചിത്രം കണ്ട് കൊണ്ടിരുന്നപ്പോള്‍,ഞാന്‍ വളരെ ചെറുപ്പത്തില്‍ കണ്ട പ്രേം നസീര്‍ അഭിനയിച്ച മാമാങ്കം എന്ന സിനിമ ഓര്‍മ്മ വന്നു.ആ സിനിമ കണ്ടപ്പോഴാണ് മാമാങ്കം എന്താണെന്ന് മനസ്സിലാക്കിയത്.അവിടെ നിന്ന് എത്രയോ ദൂരം നമ്മുടെ സിനിമ വളര്‍ന്നിരിക്കുന്നു.സാങ്കേതികമായി.മറ്റ് ഭാഷാ ചിത്രങ്ങളോട്,മത്സരിക്കാന്‍ നമ്മള്‍ ശക്തരായിരിക്കുന്നു.ഒരിക്കല്‍ കൂടി കാവ്യാ ഫിലിംസിനും,നിര്‍മ്മാതാവ് വേണുവിനും,അഭിനന്ദനങ്ങള്‍.ഈ മാമാങ്ക ദിനത്തില്‍,പ്രേം നസീറിനെ വല്ലാതെ മിസ്സ് ചെയ്യുന്നു.പഴയ മാമാങ്കത്തിലെ പാട്ടും.
Discussion about this post