തങ്ങളുടെ പ്രിയപ്പെട്ട താരത്തെ ഒരുനോക്ക് കാണാന്‍ വേണ്ടി എന്ത് സാഹസം ചെയ്യാനും ആരാധകര്‍ തയ്യാറാണ്. അത്തരത്തില്‍ സ്‌റ്റൈല്‍ മന്നന്‍ രജനികാന്തിനെ കാണാന്‍ വേണ്ടി ബൈക്കില്‍ പിന്തുടര്‍ന്ന ഒരു ആരാധകന് രജനികാന്ത് നല്‍കിയ മറുപടിയാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്.
കഴിഞ്ഞ ദിവസമാണ് സ്‌റ്റൈല്‍ മന്നന്‍ രജനികാന്ത് ഹിമാലയന്‍ യാത്ര കഴിഞ്ഞ് തിരിച്ചെത്തിയത്. നിരവധി ആരാധകരാണ് താരത്തെ സ്വീകരിക്കാന്‍ വിമാനത്താവളത്തില്‍ എത്തിയത്. തുടര്‍ന്ന് വീട്ടിലേക്ക് പുറപ്പെട്ട താരത്തിന്റെ വണ്ടിയുടെ പിന്നാലെ ബൈക്കില്‍ പിന്തുടര്‍ന്ന ആരാധകന് അദ്ദേഹം നല്‍കിയ മറുപടിയാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്.
താരം വീട്ടിലെത്തുന്നതു വരെ ഇവര്‍ അദ്ദേഹത്തെ പിന്തുടര്‍ന്നു. കാര്‍ രജനികാന്തിന്റെ വീട്ടില്‍ പ്രവേശിച്ചപ്പോള്‍ ആരാധകന് തിരികെ പോകാന്‍ ഒരുങ്ങി. എന്നാല്‍ കാറില്‍ നിന്ന് ഇറങ്ങിയ അദ്ദേഹം സെക്യൂരിറ്റി ജീവനക്കാരനോട് പറഞ്ഞ് ആരാധകനെ വീട്ടിലേക്ക് വിളിച്ചു. യുവാവിനെ ചേര്‍ത്ത് നിര്‍ത്തി രജനികാന്ത് പറഞ്ഞത് ഇങ്ങനെയാണ്, ‘ബൈക്കില്‍ ഇനി ഇങ്ങനെ പിന്തുടരരുതേ കണ്ണാ, അത്ര സുരക്ഷിതമല്ല’ എന്നാണ്. ആരാധകനൊപ്പം ചിത്രം എടുത്തതിന് ശേഷമാണ് അദ്ദേഹം വീട്ടിലേക്ക് കയറിയത്.
എആര്‍ മുരുഗദോസ് സംവിധാനം ചെയ്യുന്ന ‘ദര്‍ബാര്‍’ ആണ് രജനീകാന്തിന്റെ ഏറ്റവും പുതിയ ചിത്രം. പോലീസ് വേഷത്തിലാണ് താരം ചിത്രത്തിലെത്തുന്നത്. നയന്‍താരയാണ് നായിക.
Another pic of my friend who met Thalaivar inside Thalaivar's house!!
Thalaivar called them inside his house, after seeing them waiting outside
Which actor calls fans inside house at midnight for photo?
He said " Don't follow in bikes kanna "
தலைவர்❤️ #WelcomeBackThalaiva pic.twitter.com/qvnsS7MYs8
— ரௌடி (@Rowdy_3_) October 18, 2019