സൗബിനും സുരാജ് വെഞ്ഞാറമൂടും കേന്ദ്രകഥാപാത്രങ്ങളെ അവതരിപ്പിച്ച് തീയ്യേറ്ററുകളിലെത്താന്‍ പോവുന്ന ചിത്രമാണ് ‘ആന്‍ഡ്രോയിഡ് കുഞ്ഞപ്പന്‍ വേര്‍ഷന്‍ 5.25’. ചിത്രത്തില്‍ സൗബിന്റെ നായികയായി എത്തുന്നത് ഒരു പുതുമുഖമാണ്. ചിത്രത്തിലെ സര്‍പ്രൈസ് താരമായ നടി കെന്റി സിര്‍ഡോയുടെ ക്യാരക്ടര്‍ പോസ്റ്റര്‍ മഞ്ജു വാര്യര്‍ തന്റെ ഫേസ്ബുക്ക് പേജിലൂടെ ആണ് പുറത്തുവിട്ടത്. ചിത്രത്തിന് ആശംസകളും താരം നേര്‍ന്നിട്ടുണ്ട്.
നേരത്തേ വിറക് അടുപ്പില്‍ കഞ്ഞി ഉണ്ടാക്കുന്ന റോബോര്‍ട്ടിന്റെ ടീസര്‍ അണിയറപ്രവര്‍ത്തകര്‍ പുറത്തുവിട്ടിരുന്നു. നവാഗതനായ രതീഷ് ബാലകൃഷണന്‍ ആണ് ചിത്രത്തിന്റെ സംവിധായകന്‍. സൈജു കുറുപ്പ്, മാല പാര്‍വതി, മേഘ മാത്യു എന്നിവരാണ് ചിത്രത്തിലെ മറ്റ് താരങ്ങള്‍.
ബിജിബാലാണ് ചിത്രത്തിന് സംഗീതം നല്‍കിയിരിക്കുന്നത്. മൂണ്‍ഷോട്ട് എന്റര്‍ടൈന്‍മെന്റിന്റെ ബാനറില്‍ സന്തോഷ് ടി കുരുവിള നിര്‍മ്മിച്ച ചിത്രം അടുത്ത മാസം തീയ്യേറ്ററുകളിലെത്തും.
