സിനിമാ ലൊക്കേഷനില്‍ നിന്നുള്ള പൃഥ്വിരാജിന്റെ പുതിയ ചിത്രം വൈറലാവുന്നു. ഇന്ന് ചിത്രീകരണം ആരംഭിച്ച അയ്യപ്പനും കോശിയും എന്ന ചിത്രത്തിന്റെ ചിത്രീകരണത്തിനിടെയുള്ള ചിത്രം ആണ് പങ്കുവെച്ചത്. ചിത്രത്തിന് താഴെ നിരവധി കമന്റുകളാണ് വന്നത്.
പൃഥ്വിയും ബിജുവും ഒന്നിച്ചെത്തിയ അനാര്‍ക്കലി എന്ന ചിത്രത്തിനു ശേഷം സച്ചി തിരക്കഥ രചിച്ച് സംവിധാനം ചെയുന്ന ചിത്രം കൂടിയാണ് ഇത്. അട്ടപ്പാടിയിലും പാലക്കാടും ചിത്രീകരണം പൂര്‍ത്തിയാക്കിയ ശേഷം 2020 ജനുവരിയില്‍ റിലീസ് ചെയ്യുമെന്നാണ് പ്രതീക്ഷ.
ഗോള്‍ഡ് കോയിന്‍ മോഷന്‍ പിക്‌ച്ചേഴ്‌സിന്റെ ബാനറില്‍ രഞ്ജിത്തും പിഎം ശശിധരനും ചേര്‍ന്നാണ് ചിത്രം നിര്‍മ്മിക്കുന്നത്. അന്നാ രേഷ്മാരാജന്‍, സിദ്ദിഖ്, അനുമോഹന്‍, ജോണി ആന്റണി, അനില്‍ നെടുമങ്ങാട്, തരികിട സാബു, ഷാജു ശ്രീധര്‍, ഗൗരി നന്ദ എന്നിവരും ഈ ചിത്രത്തിലെ പ്രധാന താരങ്ങളാണ്. റഫീക്ക് അഹമ്മദിന്റെ ഗാനങ്ങള്‍ക്ക് ജെയ്ക്ക് ബിജോയ്‌സ് ഈണം പകര്‍ന്നിരിക്കുന്നു.