ടെലിവിഷന്‍ അവതാരകന്‍ എന്ന നിലയില്‍ ശ്രദ്ധേയനായ മിഥുന്‍ രമേശ് നായകനാവുന്ന ചിത്രമാണ് ‘ജിമ്മി ഈ വീടിന്റെ ഐശ്വര്യം’. ഗോള്‍ഡന്‍ എസ് പിക്ച്ചറിന്റെ ബാനറില്‍ സിനോ ജോണ്‍ തോമസ് ശ്യാംകുമാര്‍ എസ് എന്നിവര്‍ ചേര്‍ന്ന് നിര്‍മിക്കുന്ന സിനിമയുടെ ചിത്രീകരണം ദുബൈയില്‍ പൂര്‍ത്തിയായി.
പൂര്‍ണമായും ദുബായില്‍ ചിത്രീകരിച്ച ആദ്യ മലയാള സിനിമയില്‍ നായിക ഊഴം എന്ന ചിത്രത്തിലൂടെ പ്രശസ്തയായ ദിവ്യ പിള്ളയാണ്. ദുബൈയിലെ സ്ഥിരതാമസക്കാരായ രണ്ട് മലയാളി ക്രിസ്ത്യന്‍ കുടുംബങ്ങളുടെ കഥയാണ് ചിത്രം.
മിഥുന്‍ രമേശ്, ദിവ്യ പിളെ പ്രധാന കഥാപാത്രങ്ങളെ അവതരിപ്പിക്കുന്നു കൂടാതെ സുരാജ് വെഞ്ഞാറമൂട്, ഹരീഷ് കണാരന്‍, ജോയ് മാത്യു, ഇടവേള ബാബു, ജോണി ആന്റണി, നിര്‍മല്‍ പാലാഴി, സുനില്‍ സുഗത, ശശി കലിംഗ, സുബീഷ് സുധി, നിസാം കാലിക്കറ്റ്, ശ്രീജ രവി, വീണ നായര്‍, നിഷ മാത്യു എന്നിവരും അഭിനയിക്കുന്നു.