നടന്‍ മുസ്തഫ സംവിധായകനായി അരങ്ങേറ്റം കുറിക്കുന്നു. ശ്രീനാഥ് ഭാസി, റോഷന്‍ മാത്യൂ, അന്ന ബെന്‍ എന്നിവരാണ് ചിത്രത്തിലെ പ്രധാനവേഷങ്ങള്‍ കൈകാര്യം ചെയ്യുന്നത്. ദേശീയ പുരസ്‌കാരം നേടിയ നടനാണ് മുസ്തഫ.
ചിത്രത്തിന്റെ പേര് ഇതുവരെ പുറത്തുവിട്ടിട്ടില്ല. സുധി കോപ്പ, ജാഫര്‍ ഇടുക്കി, നവാസ് വള്ളിക്കുന്ന്, വിജിലേഷ് കരയാട്, നിഷ സാരംഗ് എന്നിവരും ചിത്രത്തില്‍ അഭിനയിക്കുന്നുണ്ടെന്നാണ് പുറത്തുവന്ന റിപ്പോര്‍ട്ട്.
കഥാസ് അണ്‍ടോള്‍ഡിന്റെ ബാനറില്‍ നിര്‍മ്മിക്കുന്ന ചിത്രത്തിന്റെ തിരക്കഥ മുസ്തഫയും നിഖില്‍ വാഹിദും സുധാസും ചേര്‍ന്നാണ് ഒരുക്കിയത്. ജിംഷി ഖാലിദ് ഛായാഗ്രഹണം നിര്‍വഹിക്കും.
സുഷിന്‍ ശ്യാമാണ് സംഗീത സംവിധാനം. വിനായക് ശശികുമാറാണ് ഗാനരചന. അനീസ് നാടോടിയാണ് കലാസംവിധാനം. ചിത്രത്തിന്റെ ചിത്രീകരണം സെപ്തംബറില്‍ ആരംഭിക്കും.