ദുല്‍ഖര്‍ സല്‍മാന്‍ നായകനാകുന്ന ഏറ്റവും പുതിയ ചിത്രമാണ് കുറിപ്പ്. ശ്രീനാഥ് രാജേന്ദ്രന്‍ സംവിധാനം ചെയ്യുന്ന കുറുപ്പില്‍ നായികയായി എത്തുന്നത് ബോളിവുഡ് താരമാണ്. ‘മെയ്ഡ് ഇന്‍ ഹെവന്‍’ എന്ന ആമസോണ്‍ വെബ് സീരീസിലെ പ്രകടനത്തിലൂടെ ആരാധക ശ്രദ്ധ നേടിയ ശോഭിത ദുലീപാലാണ് ചിത്രത്തില്‍ ദുല്‍ഖറിന്റെ നായികയായി എത്തുന്നത്. അനുരാഗ് കശ്യപിന്റെ ‘രാമന്‍ രാഘവി’ലൂടെ സിനിമാലോകത്തേക്ക് അരങ്ങേറിയ ശോഭിതയുടെ മലയാളത്തിലെ രണ്ടാമത്തെ ചിത്രമാണിത്.
പിടികിട്ടാപ്പുള്ളി സുകുമാരക്കുറുപ്പിന്റെ ജീവിതം പറയുന്ന ചിത്രമാണ് ‘കുറുപ്പ്’. ദുല്‍ഖര്‍ സല്‍മാന്റെ ആദ്യ ചിത്രമായ സെക്കന്‍ഡ് ഷോയുടെ സംവിധായകനും ശ്രീനാഥ് തന്നെയായിരുന്നു. ദുല്‍ഖര്‍ ചിത്രം കൂതറ സംവിധാനം ചെയ്തതും ശ്രീനാഥ് രാജേന്ദ്രനാണ്.