ജയസൂര്യ-വിജയ് ബാബു കൂട്ടുക്കെട്ടില്‍ മറ്റൊരു സിനിമ കൂടി വരുന്നു. ഫ്രൈഡേ ഫിലിം ഹൗസ് നിര്‍മ്മിക്കുന്ന ചിത്രത്തിന് ‘സൂഫിയും സുജാതയും’ എന്നാണ് പേരിട്ടിരിക്കുന്നത്. ഒരു മ്യൂസിക്കല്‍ ലൗ സ്‌റ്റോറിയാണ് ചിത്രം പറയുന്നത്. നരണിപ്പുഴ ഷാനവാസ് ആണ് ചിത്രം സംവിധാനം ചെയ്യുന്നത്.
മമ്മൂട്ടി നായകനായി എത്തിയ പ്രജാപതി എന്ന ചിത്രത്തിലൂടെ സിനിമയില്‍ അരങ്ങേറ്റം കുറിച്ച അദിതി റാവു ഹൈദരി നീണ്ട ഇടവേളയ്ക്ക് ശേഷം വീണ്ടും മലയാളത്തില്‍ തിരിച്ചെത്തുന്ന ചിത്രം കൂടിയാണിത്. സുജാത എന്ന ടൈറ്റില്‍ കഥാപാത്രത്തെ ആണ് അദിതി ചിത്രത്തില്‍ അവതരിപ്പിക്കുന്നത്.
സെപ്റ്റംബര്‍ 20 ന് മൈസൂറില്‍ ചിത്രത്തിന്റെ ചിത്രീകരണം ആരംഭിക്കും. സംഗീത സംവിധായകന്‍ രതീഷ് വേഗ തിരക്കഥ ഒരുക്കിയ ‘തൃശ്ശൂര്‍ പൂരം’ എന്ന ചിത്രത്തിന് ശേഷം വിജയ് ബാബു നിര്‍മ്മിക്കുന്ന ചിത്രം കൂടിയാണ് ‘സൂഫിയും സുജാതയും’.
Discussion about this post