മലയാള സിനിമാ പ്രേക്ഷകര്‍ ഏറെ ആകാംഷയോടെ കാത്തിരിക്കുന്ന ചിത്രമാണ് അന്‍വര്‍ റഷീദ്-ഫഹദ് ഫാസില്‍ കൂട്ടുക്കെട്ടില്‍ ഒരുങ്ങുന്ന ‘ട്രാന്‍സ്’. ചിത്രത്തിന്റെ ഫസ്റ്റ് ലുക്ക് ഫഹദ് തന്റെ ഫേസ്ബുക്ക് പേജിലൂടെ ഇന്ന് പുറത്തുവിട്ടിരുന്നു. ഇപ്പോഴിതാ ചിത്രത്തിന്റെ റിലീസ് തീയതി പ്രഖ്യാപിച്ചിരിക്കുകയാണ് സംവിധായകന്‍ അന്‍വര്‍ റഷീദ്. ഫേസ്ബുക്കിലൂടെ ആണ് ചിത്രത്തിന്റെ റിലീസ് തീയതി പ്രഖ്യാപിച്ചത്.
ക്രിസ്മസ് റിലീസായി ചിത്രം ഡിസംബര്‍ 20ന് തീയ്യേറ്ററുകളില്‍ എത്തും എന്നാണ് അന്‍വര്‍ റഷീദ് ഫേസ്ബുക്കില്‍ കുറിച്ചത്. സൂപ്പര്‍ഹിറ്റ് ചിത്രം ‘ഉസ്താദ് ഹോട്ടലി’ന് ശേഷം അന്‍വര്‍ റഷീദ് സംവിധാനം ചെയ്യുന്ന മുഴുനീള ചിത്രം കൂടിയാണിത്. സൗബിന്‍, വിനായകന്‍, ചെമ്പന്‍ വിനോദ്, ശ്രീനാഥ് ഭാസി, അല്‍ഫോന്‍സ് പുത്രന്‍ എന്നിവരാണ് ചിത്രത്തിലെ മറ്റ് പ്രധാന താരങ്ങള്‍.
അമല്‍ നീരദാണ് ചിത്രത്തിന്റെ ഛായാഗ്രാഹകന്‍. റസൂല്‍ പൂക്കുട്ടിയാണ് ചിത്രത്തിന്റെ സൗണ്ട് ഡിസൈനര്‍. അന്‍വര്‍ റഷീദ് എന്റര്‍ടൈന്‍മെന്റിന്റെ ബാനറിലാണ് ചിത്രം നിര്‍മ്മിക്കുന്നത്.
Discussion about this post