വടം വലിയെ ആസ്പദമാക്കി സ്‌പോര്‍ട്‌സ് ജോണറില്‍ ഒരുക്കുന്ന ചിത്രം ‘ആഹാ’യിലെ പുതിയ പാട്ട് റിലീസ് ചെയ്യ്തു. ചിത്രത്തില്‍ ഇന്ദ്രജിത്ത് സുകുമാരന്‍, അമിത് ചക്കാലക്കല്‍, അശ്വിന്‍ കുമാര്‍ എന്നവരാണ് പ്രധാന കഥാപാത്രം.
വലിപ്പാട്ട് അഥവാ തഗ് ഓഫ് വാര്‍ ആന്തെം എന്നാണ് പാട്ടിനെ വിശേഷിപ്പിച്ചിരിക്കുന്നത്.
ഈ ഗാനത്തിനു സംഗീതം നല്‍കുന്നത് ആശിഷ്, ആകാശ് എന്നിവരാണ്. കെഎസ് ഹരിശങ്കറും ഇന്ദ്രജിത്തും ചേര്‍ന്നാണ് ആലാപനം.
പ്രേം അബ്രഹാം നിര്‍മ്മിക്കുന്ന ചിത്രത്തിന്റെ തിരക്കഥ ടോബിത്ത് ചിറയത്താണ്. രാഹുല്‍ ബാലചന്ദ്രന്‍ ഛായാഗ്രഹണം നിര്‍വഹിക്കുന്നു. ഗായിക സയനോരയാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്. കുട്ടന്‍പിള്ളയുടെ ശിവരാത്രിക്കു ശേഷം സയനോര സംഗീതസംവിധാനം നിര്‍വഹിക്കുന്ന ചിത്രം കൂടിയാണ് ആഹാ.