ആമസോണില്‍ അടുത്തിടെ ഏറെ ചര്‍ച്ചയായ രണ്ട് വസ്തുക്കളാണ് കപ്പയും ചിരട്ടയും. പിന്നാലെ ഇപ്പോള്‍ തിളങ്ങുന്നത് ചക്കയാണ്. എട്ട് കിലോ വരുന്ന ചക്കയ്ക്ക് ഇപ്പോള്‍ 86,501 രൂപയാണ്. ഇതിന് ഡിസ്‌കൗണ്ടും ഉണ്ട്. ഇപ്പോള്‍ വാങ്ങുന്നവര്‍ക്ക് ഡിസ്‌കൗണ്ടില്‍ 69, 201 രൂപയ്ക്കാണ് കിട്ടുക.
മുഴുവനായി വാങ്ങാന്‍ കഴിയാത്തവര്‍ വിഷമിക്കേണ്ട. മൊത്തമായി വാങ്ങാന്‍ കഴിയാത്തവര്‍ക്ക് ചില്ലറയായും വാങ്ങാം. 5 ചുളക്ക് 199 രൂപ എന്ന നിരക്കിലും ലഭിക്കും. അടുത്തിടെ ആമസോണില്‍ സ്റ്റാറായത് കപ്പയും ചിരട്ടയുമാണ്. കൂടാതെ മാവില തുടങ്ങിയ ഒരു വീട്ടിലേയ്ക്ക് വേണ്ട എല്ലാം തന്നെ ആമസോണില്‍ നിറഞ്ഞിരുന്നു. പക്ഷേ ഒരു പ്രശ്‌നം മാത്രമാണ് ഉള്ളത്.
നാട്ടില്‍ ഒന്ന് ഇറങ്ങിയാല്‍ വെറുതെ കിട്ടുന്ന കാര്യങ്ങള്‍ അത്രയും ആമസോണില്‍ കിട്ടണമെങ്കില്‍ പണം ലേശം കൊടുക്കണമെന്ന് മാത്രം. സംഭവം ഏതായാലും അങ്ങ് ക്ലിക്കായിട്ടുണ്ട്. ഇപ്പോള്‍ ഈ വിലയില്‍ ചക്ക വാങ്ങാനും ആളുണ്ട് എന്നതാണ് മറ്റൊരു യാഥാര്‍ത്ഥ്യം.
Discussion about this post