അസംസ്‌കൃത എണ്ണ വിലയില്‍ വന്ന മാറ്റം; രാജ്യത്ത് ഇന്ധന വില വീണ്ടും വര്‍ധിച്ചു

ന്യൂഡല്‍ഹി: അന്താരാഷ്ട്ര തലത്തില്‍ അസംസ്‌കൃത എണ്ണ വിലയില്‍ വന്ന മാറ്റത്തെ തുടര്‍ന്ന് രാജ്യത്ത് ഇന്ധന വില വര്‍ധിച്ചു. പുതുവര്‍ഷത്തില്‍ ഇത് ഏഴാം തവണയാണ് പെട്രോള്‍, ഡീസല്‍ വില വര്‍ധിക്കുന്നത്.

ഡല്‍ഹിയില്‍ ഇന്ന് പെട്രോളിന് 28 പൈസ വര്‍ധിച്ച് 70.41 രൂപയായി. ഡീസല്‍ 29 പൈസ കൂടി 64.47 രൂപയും. മുംബൈയില്‍ 28 പൈസ കൂടി പെട്രോള്‍ വില 76.05 രൂപയും ഡീസല്‍ 31 പൈസ വര്‍ധിച്ച് 67.49 രൂപയുമായി. തിരുവനന്തപുരത്ത് പെട്രോളിന് 29 പൈസ വര്‍ധിച്ച് 73.68 രൂപയും ഡീസലിന് 31 പൈസ വര്‍ധിച്ച് 69.37 രൂപയുമായി.