കോട്ടയം: ബിഷപ്പ് ഫ്രാങ്കോ മുളയ്ക്കല്‍ പീഡിപ്പിച്ചെന്ന് പരാതി ഉന്നയിച്ച കന്യാസ്ത്രീയെ അപമാനിച്ച പൂഞ്ഞാര്‍ എംഎല്‍എ പിസി ജോര്‍ജിന് കുരുക്ക് വീഴുന്നു. സ്ത്രീത്വത്തെ അപമാനിച്ചതിന് പിസി ജോര്‍ജിന് എതിരെ കുറവിലങ്ങാട് പോലീസാണ് കോസെടുത്തത്. കന്യാസ്ത്രീയും കുടുംബവും നല്‍കിയ പരാതിയിലാണ് നടപടി.
കന്യാസ്ത്രീയെ കോട്ടയത്ത് നടന്ന വാര്‍ത്താസമ്മേളനത്തിലാണ് പിസി അപമാനിച്ചത്. നേരത്തെ വനിതാ കമ്മീഷനും പിസിക്കെതിരെ രംഗത്തെത്തിയിരുന്നു.