മുംബൈ: ഓഹരി സൂചികകള്‍ നേട്ടത്തോടെ വ്യാപാരം അവസാനിപ്പിച്ചു. തുടര്‍ച്ചയായ മൂന്നാമത്തെ ദിനത്തിലാണ് ഈ മുന്നേറ്റം. ഇന്ന് സെന്‍സെക്‌സ് 203.81 പോയിന്റ് നേട്ടത്തില്‍ 35716.95ലും നിഫ്റ്റി 36.20 പോയിന്റ് ഉയര്‍ന്ന 10721.80ലുമാണ് വ്യാപാരം അവസാനിപ്പിച്ചത്.
ബിഎസ്ഇയിലെ 1009 കമ്പനികളുടെ ഓഹരികള്‍ നേട്ടത്തിലും 1599 ഓഹരികള്‍ നഷ്ടത്തിലുമായിരുന്നു.
ടിസിഎസ്, ഇന്‍ഫോസിസ്, റിലയന്‍സ്, എച്ച്‌സിഎല്‍ ടെക്, ഹീറോ മോട്ടോര്‍കോര്‍പ്, എച്ച്ഡിഎഫ്‌സി, ഐസിഐസിഐ ബാങ്ക്, ടെക് മഹീന്ദ്ര, ആക്‌സിസ് ബാങ്ക് തുടങ്ങിയ ഓഹരികള്‍ നേട്ടത്തിലായിരുന്നു.
യെസ് ബാങ്ക്, ഭാരതി എയര്‍ടെല്‍, ഐഒസി, ഒഎന്‍ജിസി, എല്‍ആന്റ്ടി, ഹിന്‍ഡാല്‍കോ, എസ്ബിഐ, കോള്‍ ഇന്ത്യ തുടങ്ങിയ ഓഹരികള്‍ നഷ്ടത്തിലുമാണ് ക്ലോസ് ചെയ്തത്.