ജേഴ്‌സി ഊരി ഗാംഗുലി ആഘോഷിച്ച ആ നിമിഷം വീണ്ടും പ്രേക്ഷകരിലേക്ക് എത്തിച്ചിരിക്കുകയാണ് ബോളിവുഡ്. ക്രിക്കറ്റ് പ്രേമികളെ ആവേശത്തിലാക്കി ‘ദൂസര’യുടെ ട്രെയിലര്‍ അണിയറപ്രവര്‍ത്തകര്‍ പുറത്തുവിട്ടു. ഇന്ത്യന്‍ ടീം ഇംഗ്ലണ്ടിനെ തകര്‍ത്ത് കിരീടം സ്വന്തമാക്കിയ നിമിഷങ്ങളാണ് ട്രെയിലറില്‍ ഉള്‍പ്പെടുത്തിയിട്ടുള്ളത്.
2002ല്‍ നാറ്റ് വെസ്റ്റ് ക്രിക്കറ്റ് കിരീടനേട്ടം ഇന്ത്യ ഇംഗ്ലണ്ടിനെ തകര്‍ത്ത് സ്വന്തമാക്കിയപ്പോള്‍ ഗാംഗുലി തന്റെ ജേഴ്‌സി ഊരിയാണ് ആ നിമിഷം ആഘോഷിച്ചത്. ക്രിക്കറ്റ് പ്രേമികളുടെ മനസില്‍ ഇന്ന് ആ രംഗങ്ങള്‍ മാറാല പിടിക്കാതെ നില്‍ക്കുന്നുണ്ടാവും.
അന്നത്തെ ആ രംഗമാണ് വീണ്ടും വെള്ളിത്തിരയില്‍ എത്തിയിരിക്കുന്നത്. 2002ലെ ഐതിഹാസിക വിജയത്തിന്റെ കഥ ഒരു കുഞ്ഞു പെണ്‍കുട്ടിയുടെ കാഴ്ചപ്പാടിലൂടെയാണ് ചിത്രത്തിന്റെ കഥ പറയുന്നത്. പ്ലബിത ബോര്‍തകുര്‍, അങ്കുര്‍ വികല്‍, കൃഷ്ണ ഗോകനി, സമിധ ഗുരു എന്നിവരാണ് ചിത്രത്തില്‍ പ്രധാനതാരങ്ങള്‍. അഭിനയ് ഡിയോ ആണ് ചിത്രം സംവിധാനം ചെയ്തിരിക്കുന്നത്.
