ബോളിവുഡ് ചിത്രം ‘ഏക് ലഡ്കി കൊ ദേഖ തോ ഐസ ലഗാ’ ബോക്‌സ് ഓഫീസ് നേട്ടത്തിനൊപ്പം മറ്റൊരു നേട്ടം കൂടി സ്വന്തമാക്കി. ചിത്രത്തിന്റെ തിരക്കഥ ഓസ്‌കര്‍ ലൈബ്രറിയുടെ ഭാഗമാകുന്നുവെന്നാണ് പുതിയ വാര്‍ത്ത.
പ്രേക്ഷകപ്രീതിയും നിരൂപകപ്രശംസയും ഒരുപോലെ നേടിയ ചിത്രമാണിത്. അനില്‍ കപൂറും മകള്‍ സോനം കപൂറും ആദ്യമായി വെള്ളിത്തിരയില്‍ ഒന്നിച്ച ചിത്രം കൂടിയാണിത്.
സോനം കപൂര്‍ നായികയായി എത്തിയ ചിത്രം സ്വവര്‍ഗപ്രണയത്തിന്റെ കഥയാണ് പറഞ്ഞത്. അനില്‍ കപൂര്‍, രാജ്കുമാര്‍ റാവു, ജൂഹി ചൗള എന്നിവരാണ് ചിത്രത്തിലെ മറ്റ് താരങ്ങള്‍. ഷെല്ലി ചോപ്ര സംവിധാനം ചെയ്ത ചിത്രത്തിന്റെ അക്കാദമി ഓഫ് മോഷന്‍ പിക്ചര്‍ ആര്‍ട്‌സ് ആന്‍ഡ് സയന്‍സിന്റെ ലൈബ്രറിയിലേക്ക് ചേര്‍ക്കുന്നുവെന്നാണ് റിപ്പോര്‍ട്ട്.
Discussion about this post