തനിക്ക് പത്മശ്രീ ലഭിച്ചതില്‍ സന്തോഷവും അഭിമാനവും ഉണ്ടെന്നും തനിക്ക് ലഭിച്ച പുരസ്‌ക്കാരം സുഹൃത്തുക്കളും, സഹ സംഗീത സംവിധായകരുമായ എഹ്‌സാന്‍ നൂറാനിയ്ക്കും, ലോയ് മെന്‍ഡോന്‍സയ്ക്കും സമര്‍പ്പിച്ച് സംഗീത സംവിധായകനും ഗായകനുമായ ശങ്കര്‍ മഹാദേവന്‍. പത്മ പുരസ്‌കാരങ്ങള്‍ക്കായി തെരഞ്ഞെടുക്കപ്പെട്ട 94 പേരില്‍ ഒരാളാണ് ശങ്കര്‍ മഹാദേവന്‍.
‘രാജ്യം നല്‍കുന്നതില്‍ വെച്ച് ഏറ്റവും വലിയ സിവിലിയന്‍ ബഹുമതികളില്‍ ഒന്നായ പത്മശ്രീ പുരസ്‌ക്കാരം തനിക്ക് ലഭിച്ചതില്‍ ഏറെ സന്തോഷവും അഭിമാനവും ഉണ്ട്. ഈ പുരസ്കാരം എന്റെ സുഹൃത്തുക്കള്‍ക്കും സഹ സംഗീത സംവിധായകരായ എഹ്‌സാന്‍ നൂറാനിയ്ക്കും, ലോയ്ക്കും സമര്‍പ്പിക്കുന്നു’ ശങ്കര്‍ മഹാദേവന്‍ എഎന്‍ഐ ന്യൂസ് ഏജന്‍സിയോട് പറഞ്ഞു.
‘ഭാഗ് മില്‍ഖാ ഭാഗ്’, ‘കല്‍ ഹോ ന ഹോ’,’ലക്ഷ്യ’, എന്നീ ചിത്രങ്ങളിലൂടെ നിരവധി ഹിറ്റ് ഗാനങ്ങളാണ് ശങ്കര്‍-എഹ്‌സാന്‍-ലോയ് കൂട്ടുകെട്ട് ബോളിവുഡിന് സമ്മാനിച്ചത്.
Singer and Composer Shankar Mahadevan on being conferred Padma Sri award: Humbled and honoured, it motivates me further. It is one of the biggest civilian awards, don't know if I am worthy of it, but I am very happy. Dedicate it to all who worked with me including Ehsaan and Loy pic.twitter.com/o5i9zRBJce
— ANI (@ANI) January 26, 2019