ഇന്ത്യയുടെ മുന്‍ പ്രധാനമന്ത്രി ഡോ മന്‍മോഹന്‍ സിംഗിന്റെ ജീവിതകഥ പറയുന്ന ‘ദ ആക്‌സിഡന്റ് പ്രൈം മിനിസ്റ്റര്‍’ എന്ന ചിത്രത്തിന്റെ ട്രെയിലര്‍ യൂട്യൂബില്‍ നിന്ന് അപ്രത്യക്ഷമായി. ചിത്രത്തില്‍ മന്‍മോഹന്‍ സിംഗിനെ അവതരിപ്പിച്ച അനുപം ഖേര്‍ തന്നെയാണ് സോഷ്യല്‍ മീഡിയയിലൂടെ ഇക്കാര്യം അറിയിച്ചത്.ട്രെയിലര്‍ അമ്പതാം സ്ഥാനത്ത് പോലും ഇല്ല. കഴിഞ്ഞ ദിവസം ട്രെന്‍ഡിംഗില്‍ ഒന്നായിരുന്നുവെന്നാണ് അനുപം ഖേര്‍ പറയുന്നത്.
കോണ്‍ഗ്രസിനെതിരെയുള്ള പ്രചരണത്തിന്റെ ഭാഗമായി ഇറക്കുന്ന സിനിമ എന്നാണ് ദ ആക്‌സിഡന്റല്‍ പ്രൈം മിനിസ്റ്റര്‍ക്കെതിരെ ഉയര്‍ന്നുവന്ന വിമര്‍ശനം. ഇതിനു പിന്നാലെയാണ് ചിത്രത്തിന്റെ ട്രെയിലര്‍ യൂട്യൂബില്‍ നിന്ന് അപ്രത്യക്ഷമായത്. സിനിമയുടെ ട്രെയിലര്‍ യൂട്യൂബില്‍ നിന്ന് മാറ്റിയത് വന്‍ വിമര്‍ശനത്തിനിടയാക്കിയിട്ടുണ്ട്.
പ്രധാനമന്ത്രിയായിരുന്ന കാലത്ത് ഡോ മന്‍മോഹന്‍ സിംഗിന്റെ മാധ്യമ ഉപദേഷ്ടാവായിരുന്ന സഞ്ജയ് ബാരുവിന്റെ ദ ആക്‌സിഡന്റല്‍ പ്രൈം മിനിസ്റ്റര്‍: ദ മേക്കിംഗ് ആന്‍ഡ് അണ്‍മേക്കിംഗ് ഓഫ് മന്‍മോഹന്‍ സിംഗ് എന്ന പുസ്തകത്തെ ആസ്പദമാക്കി വിജയ് രത്‌നാകര്‍ ഒരുക്കുന്ന ചിത്രമാണിത്.
Dear @YouTube!!! I am getting messages & calls that in parts of our country if you type, trailer of #TheAccidentalPrimeMinister, it is either not appearing or at 50th position. We were trending at No.1 yday. Please help. #HappyNewYear. #37millionviews 😊https://t.co/TUu4AtaRzk pic.twitter.com/KhoZJuxmmu
— Anupam Kher (@AnupamPKher) January 1, 2019
Discussion about this post