ബോളിവുഡ് താരം രണ്‍വീര്‍ സിങ് ആദ്യമായി പോലീസ് വേഷത്തിലെത്തുന്ന സിംബയുടെ ട്രെയിലര്‍ പുറത്തുവിട്ടു. തെലുങ്കില്‍ ജൂനിയര്‍ എന്‍ടിആര്‍ നായകനായി 2015ല്‍ പുറത്തിറങ്ങിയ ടെമ്പര്‍ ചിത്രത്തിന്റെ ഹിന്ദി പതിപ്പാണ് സിംബ. ചിത്രത്തില്‍ അഴിമതിക്കാരനായ പോലീസ് ഉദ്യോഗസ്ഥനായ സഗ്രാം ബലേറാവു എന്ന് കഥാപാത്രത്തെയാണ് രണ്‍വീര്‍ അവതരിപ്പിക്കുന്നത്.
സിനിമയുടെ തുടക്കത്തില്‍ അഴിമതിക്കാരനായാണ് എത്തുന്നതെങ്കിലും താന്‍ സഹോദരിയെ പോലെ കരുതിയിരുന്ന പെണ്‍കുട്ടി ബലാത്സംഗത്തിന് ഇരയായി മരിക്കുന്നതോടെ സ്ത്രീകളുടെ സംരക്ഷണത്തിനായി പോരാടുന്ന പോലീസുകാരനായി മാറുന്നതാണ് രണ്‍വീറിന്റെ കഥാപാത്രം.
ചിത്രം സംവിധാനം ചെയ്തിരിക്കുന്നത് രോഹിത് ഷെട്ടിയാണ്. സെയ്ഫ് അലിഖാന്റെ മകള്‍ സാറാ അലിഖാനാണ് നായിക. ചിത്രത്തില്‍ അജയ് ദേവ്ഗണ്‍, സോനു സൂദ് എന്നിവരാണ് മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്.
Discussion about this post