അല്ഫോന്സ് പുത്രന് സംവിധാനം ചെയ്ത ‘പ്രേമം’ എന്ന ചിത്രത്തിലെ ‘മലര്’മിസ്സായി വന്ന് പ്രേക്ഷക ഹൃദയം കവര്ന്ന താരമാണ് സായി പല്ലവി. താരത്തിന്റെ റിലീസായി ഒരുങ്ങിയിരിക്കുന്ന ചിത്രമാണ് ‘എന്ജികെ’. സൂര്യയാണ് ചിത്രത്തിലെ നായകന്. ഇപ്പോഴിതാ ചിത്രത്തിന്റെ ഷൂട്ടിനിടയില് ഉണ്ടായ ഒരു അനുഭവം തുറന്നു പറഞ്ഞ് രംഗത്തെത്തിയിരിക്കുകയാണ് സായി പല്ലവി.
ചിത്രത്തിലെ ഒരു പ്രത്യേക രംഗം ചിത്രീകരിക്കുമ്പോള് സംവിധായകന്റെ പ്രതീക്ഷയ്ക്കൊത്തുള്ള പ്രകടനം കാഴ്ചവെയ്ക്കാന് തനിക്ക് സാധിക്കാത്തതിനെ കുറിച്ചാണ് സായി പല്ലവിയുടെ വെളിപ്പെടുത്തല്. ആ രംഗം വീണ്ടും ഷൂട്ട് ചെയ്യാനായി പിറ്റേദിവസത്തേക്ക് മാറ്റി വെച്ചപ്പോള് താന് അക്ഷരാര്ത്ഥത്തില് തളര്ന്നുപോയെന്നാണ് താരം പറയുന്നത്.
‘ഇതേ തുടര്ന്ന് ആ ദിവസം മുഴുവന് ഞാന് കരയുകയായിരുന്നു. വീട്ടില്ചെന്ന് അമ്മയോട് മെഡിസിന് തിരിച്ച് പോവുകയാണെന്നും ഞാന് ഒരു നല്ല നടിയല്ലെന്നും പറഞ്ഞു. ഭാഗ്യത്തിന് അടുത്തദിവസം എന്റെ ആദ്യ ടേക്ക് തന്നെ ഓക്കെയായി. അപ്പോഴാണ് തനിക്ക് സമാധാനമായത്’ സായി പറഞ്ഞു. നടന് സൂര്യയും സെല്വരാഘവന്റെ പ്രതീക്ഷയ്ക്കൊപ്പമെത്താന് വേണ്ടി പല ടേക്കുകള് എടുക്കുന്നുണ്ടെന്ന് അറിഞ്ഞപ്പോഴാണ് തനിക്ക് സമാധാനമായതെന്നും സായി പല്ലവി കൂട്ടിച്ചേര്ത്തു.
ഫഹദ് ഫാസിലിന്റെ നായികയായി എത്തിയ ‘അതിരന്’ ആണ് സായി പല്ലവിയുടെ ഒടുവില് തീയ്യേറ്ററിലെത്തിയ ചിത്രം. സെല്വരാഘവന് സംവിധാനം ചെയ്യുന്ന ‘എന്ജികെ’ യാണ് അടുത്ത ചിത്രം. പൊളിറ്റിക്കല്-ത്രില്ലര് വിഭാഗത്തിലുള്ള ചിത്രത്തില് സൂര്യായാണ് നടന്. സായി പല്ലവിയെ കൂടാതെ രാകുല് പ്രീതും ഒരു മുഖ്യ കഥാപാത്രത്തെ ചിത്രത്തില് അവതരിപ്പിക്കുന്നുണ്ട്.
Discussion about this post