കുമളി: സൂപ്പര്‍ഫാസ്റ്റ് ബസുകളില്‍ കുടിവെള്ളം ലഭ്യമാക്കി കെഎസ്ആര്‍ടിസി. കെഎസ്ആര്‍ടിസിയുടെ കുമളി കൊന്നക്കാട് സൂപ്പര്‍ഫാസ്റ്റ് ബസിലെ യാത്രക്കാര്‍ക്കാണ് കുപ്പിവെള്ളം ലഭ്യമാക്കിയിരിക്കുന്നത്.
നിലവില്‍ വോള്‍വോ, സ്‌കാനിയ ബസുകളില്‍ യാത്രക്കാര്‍ക്കാണ് കുടിവെള്ളം നല്‍കിയിരുന്നത്.
ബസിലെ ജീവനക്കാര്‍ നേരിട്ടാണ് യാത്രക്കാര്‍ക്ക് കുടിവെള്ളം നല്‍കുന്നത്. കെഎസ്ആര്‍ടിസി ജീവനക്കാരുടെ ഈ സേവനത്തിന് സഹായ സഹകരണങ്ങളുമായി കുമളിയിലെ കെഎസ്ആര്‍ടിസി ഫാന്‍സും, കെഎസ്ആര്‍ടിസി കുമളി ഡിപ്പോയിലെ ജീവനക്കാരും, കുമളി- കൊന്നക്കാട് സൂപ്പര്‍ഫാസ്റ്റ് വാട്‌സാപ്പ് കൂട്ടായ്മയും രംഗത്തെത്തിയിട്ടുണ്ട്.
കെഎസ്ആര്‍ടിസിയുടെ ഈ നന്മയെ അഭിനന്ദിച്ച് സമൂഹമാധ്യമങ്ങളിലൂടെ ധാരാളം പേര്‍ രംഗത്തെത്തിയിട്ടുണ്ട്. യാത്രക്കാരെ മര്‍ദ്ദിക്കുന്ന സ്വകാര്യ ബസ് ജീവനക്കാര്‍ കെഎസ്ആര്‍ടിസിയുടെ ഈ പുണ്യപ്രവൃത്തിയെ മാതൃകയാക്കണമെന്നാണ് സോഷ്യല്‍മീഡിയ അഭിപ്രായപ്പെടുന്നത്.
Discussion about this post