ഐസ്വാള്‍: മിസോറാമില്‍ കോണ്‍ഗ്രസിന് അടിപതറുന്നു. തെരഞ്ഞെടുപ്പിനു തൊട്ടുമുമ്പായി കോണ്‍ഗ്രസിന്റെ മുതിര്‍ന്ന നേതാവും നിയമസഭാ സ്പീക്കറുമായ ഹിഫേയി സ്പീക്കര്‍ സ്ഥാനത്തു നിന്ന് രാജി വച്ചു.
ഹിഫേയി കോണ്‍ഗ്രസ് വിട്ട് ബിജെപിയിലെത്തുമെന്ന് ബിജെപിയുടെ മുതിര്‍ന്ന നേതാവ് ഇന്നലെ പറഞ്ഞിരുന്നു. ഹിഫേയി ആദ്യം സ്പീക്കര്‍ സ്ഥാനത്തുനിന്നും തുടര്‍ന്ന് പാര്‍ട്ടിയില്‍ നിന്നും രാജിവയ്ക്കുമെന്നുമായിരുന്നു ബിജെപി പറഞ്ഞിരുന്നത്. ഇതിനു പിന്നാലെയാണ് സ്പീക്കര്‍ സ്ഥാനത്തു നിന്ന് രാജി വച്ചത്. പലക് മണ്ഡലത്തില്‍ നിന്നുള്ള എംഎല്‍എയാണ് ഹിഫേയി.
ഈ മാസം 28നാണ് മിസോറമില്‍ നിയമസഭാ തെരഞ്ഞെടുപ്പ് നടക്കുന്നത്. മുതിര്‍ന്ന കോണ്‍ഗ്രസ് നേതാവ് തിരഞ്ഞെടുപ്പിന് തൊട്ടു മുമ്പേ സ്പീക്കര്‍ സ്ഥാനത്തു നിന്നും രാജി വച്ചത് തെരഞ്ഞെടുപ്പില്‍ പാര്‍ട്ടിക്ക് കനത്ത തിരിച്ചടിയാകും എന്നാണ് പാര്‍ട്ടി വിലയിരുത്തല്‍.
Discussion about this post