കൊച്ചി: മുസ്ലീം ലീഗ് വൈറസാണ് എന്ന പ്രസ്താവനയ്ക്ക് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് തെരഞ്ഞെടുപ്പ് കമ്മീഷന്റെ നടപടി നേരിടുകയാണ്. ഇതിനിടയില്‍ ഗുരുതരമായ പരാമര്‍ശവുമായി രംഗത്തെത്തിയിരിക്കുകയാണ് ബിജെപി നേതാവ് ബി ഗോപാലകൃഷ്ണന്‍. മുസ്ലീം ലീഗ് വൈറസല്ല എയിഡ്‌സ് ആണെന്നാണ് ഗോപാലകൃഷ്ണന്റെ പരാമര്‍ശം.
മുസ്ലീം ലീഗ് കേരളത്തിലെ മത സംഘടനയാണെന്നും, ജിന്നയുടെ പാരമ്പര്യമാണ് ലീഗിനെന്നും അദ്ദേഹം പറഞ്ഞു. കൂടാതെ വര്‍ഗ്ഗീയത പറഞ്ഞുകൊണ്ട് വോട്ട് പിടിക്കുന്ന ലീഗിനെ തെരഞ്ഞെടുപ്പില്‍ പങ്കെടുക്കുന്നതില്‍ നിന്ന് വിലക്കണമെന്നും അദ്ദേഹം ആവശ്യപ്പെട്ടു.
കോണ്‍ഗ്രസ് കള്ളന്മാരുടെ ഒളി സങ്കേതമാണെന്നും തിരുട്ട് ഗ്രാമത്തിന്റെ നേതാവാകാന്‍ പറ്റിയ ആളാണ് രാഹുല്‍ ഗാന്ധിയെന്നും അദ്ദേഹം ആരോപിച്ചു.രാഹുല്‍ ഗാന്ധി കേരളത്തില്‍ വരുന്നത് നുണ പറയാനും ഭക്ഷണം കഴിക്കാനും വേണ്ടി മാത്രമാണ്, രാഹുല്‍ തട്ടിപ്പ് ഹിന്ദു ആണെന്നും ബി ഗോപാലകൃഷ്ണന്‍ ആരോപിച്ചു.
Discussion about this post