മലയാളികളുടെ പ്രിയപ്പെട്ട ആക്ഷന്‍ ഹീറോ സുരേഷ് ഗോപി വീണ്ടും വെള്ളിത്തിരയിലേക്ക്. പക്ഷേ തിരിച്ചു വരവ് മലയാളത്തില്‍ കൂടെയല്ല മറിച്ച് തമിഴ് സിനിമയിലൂടെയാണ്. വിജയ് ആന്റണി നായകനായി എത്തുന്ന ‘തമിഴരശന്‍’ എന്ന ചിത്രത്തിലൂടെയാണ് സുരേഷ് ഗോപിയുടെ തിരിച്ചുവരവ്. സുരേഷ് ഗോപി ഫേസ്ബുക്കിലൂടെയാണ് ഇക്കാര്യം അറിയിച്ചത്.
ബാബു യോഗ്വേശരന്‍ സംവിധാനം ചെയ്യുന്ന ചിത്രത്തില്‍ ഒരു ഡോക്ടറുടെ വേഷത്തിലാണ് സുരേഷ് ഗോപി എത്തുന്നത്. എംപി ആയതിന് ശേഷം സിനിമയില്‍ നിന്ന് വിട്ടു നിന്ന സുരേഷ് ഗോപി നാല് വര്‍ഷത്തിന് ശേഷമാണ് വീണ്ടും വെള്ളിത്തിരയില്‍ എത്തുന്നത്. രമ്യാ നമ്പീശനാണ് ചിത്രത്തിലെ നായിക. എന്തായാലും സരരേഷ് ഗോപിയുടെ തിരിച്ചുവരവ് ആരാധകര്‍ ഏറ്റെടുത്തു കഴിഞ്ഞു. താരം ഫേസ്ബുക്കില്‍ ഷെയര്‍ ചെയ്ത ചിത്രത്തിന് നിരവധി പേരാണ് കമന്റുകളും ലൈക്കുമായി എത്തിയിരിക്കുന്നത്.
Discussion about this post