ന്യൂഡല്‍ഹി: പാകിസ്താന്‍ ഭീകരക്യാംപുകള്‍ക്കെതിരെ ഇന്ത്യന്‍ വ്യോമസേന കനത്ത തിരിച്ചടി നല്‍കിയതില്‍ വ്യത്യസ്തമായ രീതിയില്‍ സന്തോഷം പങ്കുവെച്ച് ഡല്‍ഹിയിലെ ഓട്ടോ ഡ്രൈവര്‍.
ദിവസം മൊത്തം സൗജന്യ യാത്ര നല്‍കിയാണ്, മനോജ് തന്റെ സന്തോഷം പങ്കുവെച്ചത്. സൗജന്യ യാത്ര വ്യക്തമാക്കിക്കൊണ്ട് അദ്ദേഹം തന്റെ ഓട്ടോയില്‍ പോസ്റ്ററും ഒട്ടിച്ചിരുന്നു.
ഇന്ത്യന്‍ വ്യോമസേന നടത്തിയ ഭീകരാക്രമണത്തില്‍ മൂന്ന് ഭീകര ക്യാമ്പുകളാണ് തകര്‍ത്തത്. ബാലാകോട്ട് അടക്കം മൂന്ന് കേന്ദ്രങ്ങളില്‍ നടത്തിയ ആക്രമണത്തില്‍ 300ഓളം പേര്‍ കൊല്ലപ്പെട്ടതായാണ് സൂചന. പുല്‍വാമ ആക്രമണത്തിന് തിരിച്ചടി നല്‍കാന്‍ ഹരിയാനയിലെ അംബാലയിലെ എയര്‍ബേസില്‍ നിന്നാണ് 12 മിറാഷ് 2000 വിമാനങ്ങളോടെ വ്യോമസേന സംഘം പുറപ്പെട്ടത്.
പാക് മണ്ണിലെ മൂന്ന് ഭീകര കേന്ദ്രങ്ങള്‍ തകര്‍ത്ത സംഘം മുപ്പത് മിനിറ്റിനകം ഓപ്പറേഷന്‍ അവസാനിപ്പിക്കുകയും ചെയ്തു. 21 മിനിറ്റ് നീണ്ട ഓപ്പറേഷന്‍ ആണ് പാക് മണ്ണില്‍ വ്യോമസേന നടത്തിയത്. മൂന്നിടങ്ങളിലെ ഭീകര ക്യാമ്പുകള്‍ ഇന്ത്യ തകര്‍ത്തു. ആദ്യ ആക്രമണം ബാലാകോട്ടിലായിരുന്നു. ഇന്ത്യ പാക് അതിര്‍ത്തിക്കപ്പുറമുള്ള ബാലാകോട്ട് മേഖല ജയ്‌ഷെ മുഹമ്മദിന്റെ പ്രധാന ആസ്ഥാനങ്ങളില്‍ ഒന്നാണ്.
Discussion about this post