തിരുവനന്തപുരം: ഉന്നത പോലീസ് ഉദ്യോഗസ്ഥരുടെ ചുമതലകളില്‍ മാറ്റം വരുത്തി. ഇതുമായി ബന്ധപ്പെട്ട ഉത്തരവ് ഡിജിപി പുറത്തിറക്കി. തെരഞ്ഞെടുപ്പ് മുന്നില്‍ക്കണ്ടാണ് പോലീസ് ഉദ്യോഗസ്ഥരുടെ ചുമതലകളില്‍ പുനക്രമീകരണം നടത്തിയിരിക്കുന്നത്.
ഡിഐജി കെ സേതുരാമന് തിരുവനന്തപുരം സിറ്റി പോലീസ് കമ്മീഷണറുടെ ചുമതല നല്‍കി. അശോക് യാദവിനാണ് തിരുവനന്തപുരം റേഞ്ച് ഐജിയുടെ ചുമതല. തൃശ്ശൂര്‍ റേഞ്ച് ഐജി എംആര്‍ അജിത് കുമാറിനെ പൊലീസ് അക്കാദമിയിലേക്ക് മാറ്റി. അതേസമയം കൊച്ചി റേഞ്ച് ഐജി വിജയ് സാക്കറെയ്ക്ക് തൃശ്ശൂര്‍ റേഞ്ചിന്റെ അധിക ചുമതല കൂടി നല്‍കി. തെരഞ്ഞെടുപ്പ് കമ്മീഷന്റെ നിര്‍ദ്ദേശപ്രകാരമാണ് ഈ മാറ്റങ്ങള്‍.
Discussion about this post