ബെയ്ജിംഗ്: ചൈനയില്‍ രക്ഷിതാകള്‍ക്കൊപ്പം റെയില്‍വെ സ്റ്റേഷനില് എത്തിയ പെണ്‍കുട്ടിയുടെ സാഹസ വീഡിയോ കണ്ട് അമ്പരന്നിരിക്കുകയാണ് സമൂഹ മാധ്യമങ്ങള്‍. റെയില്‍വെ സ്റ്റേഷനില് ഏറെനേരം നിന്ന്
മുഷിഞ്ഞതോടെ പെണ്‍കുട്ടി ഓടിക്കളിക്കാന്‍ തുടങ്ങി, തുടര്‍ന്ന് പെണ്‍കുട്ടി യാത്രക്കാരുടെ ബാഗേജുകള്‍ പരിശോധിക്കാന്‍ സ്ഥാപിച്ചിരിക്കുന്ന എക്സ്-റേ മെഷീനിലേക്ക് ഓടി കയറി.
ജീവനക്കാര്‍ തടയാന്‍ ശ്രമിച്ചെങ്കിലും മെഷീനുള്ളിലേക്ക് അതിവേഗം ഓടിക്കയറുകയായിരുന്നു. ടികറ്റ് എടുക്കുന്ന തിരക്കായതിനാല്‍ പെണ്‍കുട്ടിയെ വേണ്ടത്ര ശ്രദ്ധിക്കാന്‍ മാതാപിതാക്കള്‍ക്കുമായില്ല. അതേസമയം യാതൊരു അപകടവും കൂടാതെ പെണ്‍കുട്ടി മെഷീന് പുറത്തെത്തി.
അപകടകരമായ അളവിലുള്ള എക്സ്-റേ വികിരണങ്ങള്‍ ബാഗേജുകള്‍ പരിശോധിക്കുന്ന മെഷീനുകള്‍ പുറത്തുവിടാറില്ലെന്നും, അതിനാലാണ് അപകടം ഒഴിവായതെന്നും അധികൃതര്‍ വിശദീകരിച്ചു. എന്തായാലും ചൈനയില്‍ നടന്ന സംഭവം മണിക്കൂറുകള്‍ക്കൊപ്പം വീഡിയോ വൈറലായിറ്റുണ്ട്.
Discussion about this post