കൊച്ചി: മലയാളികളുടെ എക്കാലത്തെയും പ്രിയനടന്‍ ജഗതി ശ്രീകുമാര്‍ വീണ്ടും വെള്ളിത്തിരയിലേക്ക് എത്തുന്നു. ആരാധകരുടെ ഏഴുകൊല്ലം നീണ്ട കാത്തിരിപ്പിന് വിരാമിട്ടാണ് ജഗതി ശ്രീകുമാറിന്റെ മടങ്ങിവരവ്. കൊച്ചിയില്‍ നടത്തിയ വാര്‍ത്താ സമ്മേളനത്തില്‍ ജഗതി ശ്രീകുമാറിന്റെ മകന്‍ രാജ്കുമാറാണ് ഇക്കാര്യം വ്യക്തമാക്കിയത്.
ജഗതിയുടെ രണ്ടാം വരവ് സിനിമയിലൂടെയല്ല. തൃശ്ശൂര്‍ ചാലക്കുടിയിലെ വാട്ടര്‍ തീം പാര്‍ക്കിന്റെ പരസ്യചിത്രത്തിലൂടെയാകും ജഗതി എത്തുന്നത്. അടുത്തവര്‍ഷം സിനിമയിലും അഭിനയിക്കുമെന്ന് രാജ്കുമാര്‍ പറഞ്ഞു. ഡോക്ടര്‍മാരുടെ നിര്‍ദ്ദേശപ്രകാരമാണ് വീണ്ടും അഭിനയിക്കാന്‍ എത്തുന്നത്.
ജഗതിയുടെ തന്നെ ബാനറായ ജഗതി ശ്രീകുമാര്‍ എന്റര്‍ടെയ്ന്‍മെന്റ്‌സ് കമ്പനിയാണ് പരസ്യചിത്രം നിര്‍മ്മിക്കുന്നത്.
2012 മാര്‍ച്ച് മാസം കോഴിക്കോട് തേഞ്ഞിപ്പലത്ത് വച്ചുണ്ടായ വാഹനാപകടത്തെ തുടര്‍ന്നാണ് ജഗതി അഭിനയരംഗത്തുനിന്ന് വിട്ട് നിന്നത്.
Discussion about this post