നാടന്‍ രീതിയില്‍ പനീര്‍കൊണ്ട് എന്ത് ഉണ്ടാക്കും എന്ന് ആശങ്കപ്പെടുന്നവര്‍ക്ക് ഇതാ ഒരു കിടിലന്‍ ഐറ്റം. പനീര്‍ ബുര്‍ജി അഥവാ പനീര്‍ തോരന്‍..തികച്ചും വെജിറ്റേറിന്‍ ഭക്ഷണവിഭവമാണ് ഇത്. എഗ്ഗ് ബുര്‍ജി ഉണ്ടാക്കുന്ന രീതി തന്നെയാണ് ഇവിടെ . എങ്ങനെയെന്ന് നോക്കിയാലോ…
ചേരുവകള്‍:
പനീര്‍ – 200 ഗ്രാം
എണ്ണ – ഒരു ടേബിള്‍സ്പൂണ്‍
ജീരകം – ഒരു നുള്ള്
പച്ചമുളക് -2
സവാള -1
മഞ്ഞള്‍പ്പൊടി – കാല്‍ ടി സ്പൂണ്‍
ഗരംമസാലപ്പൊടി – അര ടി സ്പൂണ്‍
ഇഞ്ചി വെളുത്തുള്ളി പേസ്റ്റ് – 1 ടി സ്പൂണ്‍
തക്കാളി – 1
എണ്ണ – 2 ടേബിള്‍സ്പൂണ്‍
ഉപ്പ് -ആവശ്യത്തിന്
മല്ലിയില – ഒരു പിടി
തയ്യാറാക്കുന്ന വിധം
പനീര്‍ ഗ്രേറ്റ് ചെയ്തു എടുക്കുക. സാവാള ,തക്കാളി ,പച്ചമുളക് ഇവയെല്ലാം പൊടിയായി അരിഞ്ഞു എടുക്കുക. ഒരു പാനില്‍ എണ്ണ ചൂടാകുമ്പോള്‍ ജീരകം പൊട്ടിച്ചു എടുക്കുക .ഇതിലേക്ക് സവാള ചേര്‍ത്ത് വഴറ്റുക .ഇഞ്ചി വെളുത്തുള്ളി പേസ്റ്റ് ചേര്‍ക്കുക. സവാള നന്നായി ചുമന്നു കഴിയുമ്പോള്‍ പച്ചമുളകും തക്കാളിയും ചേര്‍ത്ത് വഴറ്റുക. മഞ്ഞള്‍പ്പൊടിയും ഗരംമസാലപ്പൊടിയും ചേര്‍ക്കുക.കുറച്ചു വെള്ളം ചേര്‍ക്കുക. ഗ്രേറ്റ് ചെയ്തു എടുത്ത പനീര്‍ ചേര്‍ക്കുക.ആവശ്യത്തിന് ഉപ്പും ചേര്‍ക്കുക 5 മിനിറ്റ് അടച്ചു വേവിക്കുക. അടപ്പ് മാറ്റി നന്നായി ചിക്കി തോര്‍ത്തി എടുക്കുക.
തീ അണച്ച് മല്ലിയില തൂവി അലങ്കരിച്ച് വിളമ്പാവുന്നതാണ്
Discussion about this post