കൊടുങ്ങല്ലൂര്‍: കാര്‍ മെഡിക്കല്‍ സ്റ്റോറിലേക്കു ഇടിച്ചു കയറി മൂന്ന് പേര്‍ക്ക് പരുക്ക്. ടെസ്റ്റ് ഡ്രൈവ് നടത്തുകയായിരുന്ന പുതിയ കാറാണ് ഇടിച്ചത്. ആനാപ്പുഴ പാലിയം തുരുത്ത് ഇളയിടത്ത് അനിത, മെഡിക്കല്‍ സ്റ്റോര്‍ ഉടമ ശൃംഗപുരം കളപ്പുര കോവിലകം നാരായണപ്രഭു, മെഡിക്കല്‍ സ്റ്റോര്‍ ജീവനക്കാരന്‍ കളപ്പുര കോവിലകം ലക്ഷ്മണ പ്രഭു എന്നിവര്‍ക്കാണു പരുക്കേറ്റത്.
മെഡിക്കല്‍ സ്റ്റേര്‍ ഉടമകളെ ഗൗരിശങ്കര്‍ ആശുപത്രിയിലാണ് പ്രവേശിപ്പിച്ചിരിക്കുന്നത്. അതേസമയം സാരമായി പരിക്കേറ്റ അനിതയെ മോഡേണ്‍ ആശുപത്രിയില്‍ പ്രവേശിപ്പിച്ചു. ഇന്നലെ വൈകിട്ട് ശ്രൃംഗപുരത്താണ് അപകടം നടന്നത്.
Discussion about this post