തൃശൂര്: ബാറില് ഉണ്ടായ സംഘര്ഷത്തില് യുവാവിന് ഗുരുതര പരിക്ക്. തൃശൂർ ജില്ലയിലെ പെരുമ്പിലാവിലാണ് സംഭവം. കരിക്കാട് ചോല സ്വദേശി ഷക്കീറിനാണ് മര്ദ്ദനമേറ്റത്.
യുവാവിന്റെ തല അടിച്ചുതകര്ത്തു. കഴിഞ്ഞ ദിവസം രാത്രി പത്തുമണിയോടെയാണ് സംഭവം. കെആര് ബാറില് വെച്ചാണ് സംഘര്ഷം ഉണ്ടായത്. മദ്യപിച്ച ശേഷം ഇയാളും ബാര് ജീവനക്കാരും തമ്മില് വാക്കേറ്റം ഉണ്ടാവുകയായിരുന്നു.
ഇത് പിന്നീട് സംഘര്ഷത്തില് കലാശിച്ചു. പിന്നാലെ യുവാവിനെ ബാറിന് പുറത്താക്കി വടികൊണ്ട് ആക്രമിക്കുകയായിരുന്നു.ആദ്യം ബാര് ജീവനക്കാരെ ഇയാള് ആക്രമിക്കുകയായിരുന്നു.
തുടര്ന്നായിരുന്നു ജീവനക്കാരും സെക്യൂരിറ്റിയും ഇയാളെ അടിച്ചത്.ഇയാള് നിരവധി കേസുകളില് പ്രതിയാണ്.
ഗുരുതരാവസ്ഥയിലായ യുവാവ് ഇപ്പോള് മെഡിക്കല് കോളജില് ചികിത്സയിലാണ്.
Discussion about this post