കാരവാനുകളില്‍ രഹസ്യ ക്യാമറ വച്ച് നടിമാരുടെ നഗ്‌നദൃശ്യങ്ങള്‍ പകര്‍ത്തുന്നുവെന്ന് നടി രാധിക ശരത്കുമാര്‍ എതാനും ദിവസം മുമ്പായിരുന്നു തുറന്നുപറഞ്ഞത്. മലയാള സിനിമാ സെറ്റുകളിലെ അനുഭവമായിരുന്നു നടി തുറന്നുപറഞ്ഞത്.
ഈ സംഭവം ദേശീയ തലത്തില്‍ വരെ മാധ്യമശ്രദ്ധ നേടിയിരുന്നു. ഇതിന് പിന്നാലെ നടന്‍ മോഹന്‍ലാല്‍ തന്നെ വിളിച്ച് വിവരങ്ങള്‍ അന്വേഷിച്ചിരുന്നുവെന്ന് രാധിക പറയുന്നു.
തന്റെ സെറ്റില്‍ വെച്ചാണോ സംഭവം നടന്നതെന്നായിരുന്നു മോഹന്‍ലാല്‍ സാര്‍ വിളിച്ച് ചോദിച്ചതെന്നും നിങ്ങളുടേതോ അതോ മറ്റാരുടെയെങ്കിലുമോ സെറ്റ് എന്ന കാര്യം വെളിപ്പെടുത്താന്‍ താല്‍പര്യമില്ലെന്ന കാര്യം താന്‍ മോഹന്‍ലാലിനെ അറിയിച്ചുവെന്നും രാധിക ശരത്കുമാര്‍ മാധ്യമങ്ങളോട് പറഞ്ഞു.
തമിഴ് സിനിമയിലും സ്ത്രീകള്‍ക്കെതിരെ നടക്കുന്ന അതിക്രമങ്ങളെക്കുറിച്ചും വാര്‍ത്താ സമ്മേളനത്തില്‍ രാധിക പറഞ്ഞു. ‘യുവ നടിക്ക് നേരെയാണ് അതിക്രമമുണ്ടായത്. നടന്‍ മദ്യപിച്ചിട്ടുണ്ടായിരുന്നു. തന്റെ ഇടപെടല്‍ കാരണമാണ് നടിയെ രക്ഷിക്കാനായത്. ഞാന്‍ ആ നടനോട് കയര്‍ത്തു. പിന്നാലെ ആ പെണ്‍കുട്ടി എന്നെ കെട്ടിപ്പിടിച്ചു, ഭാഷയറിയില്ലെങ്കിലും നിങ്ങളെന്ന രക്ഷിച്ചുവെന്ന് എനിക്ക് മനസിലായെന്നും പറഞ്ഞു’. എന്നും രാധിക പറഞ്ഞു.
Discussion about this post