കോഴിക്കോട്: കര്ണാടകയിലെ ഷിരൂരില് ഉണ്ടായ മണ്ണിടിച്ചിലില് കാണാതായ മലയാളി ലോറി ഡ്രൈവര് അര്ജുന്റെ ഭാര്യക്ക് ജോലി നല്കി. പൊതുമരാമത്ത് മന്ത്രി പി എ മുഹമ്മദ് റിയാസ് ആണ് ഔദ്യോഗികമായി അറിയിച്ചത്.
വേങ്ങേരി സര്വ്വീസ് സകരണ ബാങ്കിലാണ് ജോലി നല്കുക. അര്ജുന് വേണ്ടിയുള്ള എല്ലാ ശ്രമങ്ങളും സര്ക്കാര് എല്ലാ രീതിയിലും തുടരുമെന്നും മന്ത്രി അറിയിച്ചു.
അര്ജുന്റെ വീട്ടുകാര് അങ്ങനെയൊരു ആവശ്യവും പറഞ്ഞിട്ടില്ല. എന്നാല് ആ നാട്ടിലെ ജനങ്ങളുടെ ആവശ്യമായിരുന്നു. ആ നിലയില് ബാങ്ക് ഭരണസമിതി തന്നെ മുന്കൈ എടുത്തു. എല്ലാ നിലയിലും ഇക്കാര്യത്തില് ഇടപെടും എന്ന് അറിയിച്ചിട്ടുണ്ട് എന്നും മന്ത്രി മുഹമ്മദ് റിയാസ് പറഞ്ഞു.
ജോലി സ്വീകരിക്കാന് തയാറാണെന്ന് അര്ജുന്റെ ഭാര്യ കൃഷ്ണപ്രിയ പറഞ്ഞു. വീടിന്റെ അടുത്ത് തന്നെയാണ് വേങ്ങേരി ബാങ്കെന്നും നടന്നു പോകാവുന്ന ദൂരമേയുള്ളുവെന്നും കൃഷ്ണപ്രിയ പറഞ്ഞു.
Discussion about this post