തൃശൂര്‍: ആംബുലന്‍സും ഓട്ടോറിക്ഷയും കൂട്ടിയിടിച്ചുണ്ടായ അപകടത്തില്‍ രോഗി മരിച്ചു. തൃശ്ശൂര്‍ ജില്ലയിലെ കുന്നംകുളത്താണ് അപകടം. ആംബുലന്‍സിലുണ്ടായിരുന്ന അകതിയൂര്‍ സ്വദേശി ജോണി ആണ് മരിച്ചത്.
അറുപത്തിയഞ്ച് വയസ്സായിരുന്നു. വെള്ളിയാഴ്ച വൈകിട്ട് അഞ്ച് മണിയോടെയായിരുന്നു അപകടം. ഗുരുവായൂര്‍ റോഡില്‍ വെച്ചാണ് അപകടമുണ്ടായത്.
രോഗിയുമായി ആംബുലന്‍സ് സൈറണ്‍ മുഴക്കിയാണ് വന്നിരുന്നത്. ഇതിനിടെ ഓട്ടോറിക്ഷ പെട്ടെന്ന് യു ടേണ്‍ എടുക്കുകയായിരുന്നു. അപകടത്തില്‍ ഓട്ടോറിക്ഷ റോഡിലേക്ക് മറിഞ്ഞു.
അപകടത്തില്‍ ഇരുവാഹനങ്ങളിലേയും ഡ്രൈവര്‍മാര്‍ക്ക് പരിക്കുണ്ട്. ഗുരുതരമായി പരിക്കേറ്റ ജോണിയെ ഉടന്‍ തന്നെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
Discussion about this post