ശ്രീനഗര്‍: ജമ്മു കശ്മീരിലെ കത്വവയിലും ദോഡയിലും സുരക്ഷസേനയും ഭീകരരും തമ്മില്‍ ഏറ്റുമുട്ടല്‍. ദോഡയിലെ ഏറ്റുമുട്ടലില്‍ ഒരു ജവാന് വീരമൃത്യു വരിച്ചു. കഴിഞ്ഞ പത്തു മണിക്കൂറിലേറെയായി ജമ്മു മേഖലയിലെ രണ്ടിടങ്ങളില്‍ ഏറ്റുമുട്ടുല്‍ തുടരുകയാണ്. കത്വയിലെ ഹിരാ നഗര്‍ സെക്ടറിലെ സൈദ സുഖാല്‍ ഗ്രാമത്തില്‍ ഇന്നലെ രാത്രിയാണ് ഭീകരര്‍ ഗ്രാമീണര്‍ക്ക് നേരെ വെടിവച്ചത്. സ്ഥിതിഗതികള്‍ വിലയിരുത്താന്‍ കേന്ദ്രമന്ത്രി ജിതേന്ദ്രസിങ്ങ് ജമ്മുവില്‍ എത്തും.
ഏറ്റുമുട്ടലില്‍ രണ്ട് ഗ്രാമീണര്‍ക്ക് പരിക്കേറ്റു. തുടര്‍ന്ന് നടന്ന ഏറ്റുമുട്ടലില്‍ ഒരു ഭീകരനെ വധിച്ചു. ഇയാളില്‍ നിന്നും ആയുധങ്ങളും ഒരു ലക്ഷം രൂപയും പിടികൂടി. ഏറ്റുമുട്ടലില്‍ പരിക്കേറ്റ സിആര്‍പിഎഫ് ജവാന് ആണ് വീരമൃത്യു വരിച്ചത്. ഇവിടെ ആക്രമണം നടത്തിയ രണ്ടാമത്തെ ഭീകരനായി തെരച്ചില്‍ തുടരുകയാണ്. അതേസമയം സൈനിക നടപടി തുടരുന്ന സാഹചര്യത്തില്‍ പത്താന്‍കോട്ട ഹൈവേ പൂര്‍ണ്ണമായി അടച്ചു.
Discussion about this post