തിരുവനന്തപുരം: വിഴിഞ്ഞത്ത് ബാര്‍ ജീവനക്കാരനെ ലഹരി സംഘം കുത്തി പരിക്കേല്‍പ്പിച്ചു. വിഴിഞ്ഞം മുക്കോലയിലെ ബാറില്‍ ഇന്നലെ രാത്രി പത്തരയോടെ ആയിരുന്നു സംഭവം. ബാറില്‍ ഒരു സംഘം ബഹളം വെച്ചിരുന്നു. ഇത് ചോദ്യം ചെയ്ത ഷെഫിനെ സംഘം ആക്രമിക്കുകയായിരുന്നു.
ബാറിലെ ഷെഫായ ഷിബുവിനാണ് കയ്യിലും മുഖത്തും കുത്തേറ്റത്. ഇയാളെ ആശുപത്രിയിലേക്ക് മാറ്റി. സംഭവത്തില്‍ ചൊവ്വര സ്വദേശി ദിനേശിനെ വിഴിഞ്ഞം പോലീസ് കസ്റ്റഡിയിലെടുത്തു. ബാറിലെ സിസിടിവി ദൃശ്യങ്ങള്‍ പരിശോധിച്ച ശേഷം മറ്റു നടപടികളിലേക്ക് കടക്കുമെന്ന് വിഴിഞ്ഞം പോലീസ് അറിയിച്ചു.
Discussion about this post